Read zande Bambata Pai 36 Bible Online

Bambata Pai 36 - zande bible

Bambata Pai 36

¹Were agi yo re nangia angbatunga Esau, ko nangia Edome.

²Esau arogo ade ni adiako dagba awiri aboro Kanana: i nangia Ada wiri Erone boro Eto, na Oribama nangia wiri Ana, Ana ki ngia wiri Sibona, boro Ivo,

³na Basemata wiri Yisamaere, dawiri Nebayota.

⁴Ada ki batika kumbagude nangia Erifaza fu Esau; Basemata ki batika Ruere;

⁵Oribama ki batika Yusa, Yarama, na Kora. Agi yo re nangia awiri Esau i abatika yo fu ko ringara Kanana yo.

⁶Esau ki rogo adiako, na awiriko nangia akumba na ade, na gako aborokporo dunduko, na gako zogozogo anya, na gako rimbasa anya, na agu aũkumuko ko adungura ha ringara Kanana yo dunduko; ko ki guari pati tameko nangia Yakoba ki ga ku rogo kura ringara akia.

⁷Bambiko gayo ũkumuko akii gbe ki susi ka si adu nga wa ka i sungu kina rogo gu ba sa ya; gu ringara i anaraka rogo ho ka riahe arengba nga rogo ho tipa yo na gayo zogozogo anya a ya.

⁸Esau ki moi gako kporo ri bagangara nga Seira; Esau nangia Edome.

⁹Agi yo re nangia angbatunga Esau nangia atita aEdome, rogo ringara bagangara nga Seira.

¹⁰Gere nga rimo awiri Esau: Erifaza wiri gu dia Esau nangia Ada, Ruere wiri gu dia Esau nangia Basemata.

¹¹Rimo awiri Erifaza ki ngia Temana, Omara, Sefo, Gatama, na Kenaza.

¹²Timena ki ngia ga Erifaza wiri Esau debadia; ri ki batika Amareka fu Erifaza. Agi yo re nangia kina awiri dia Esau dunduko nangia Ada.

¹³Agi yo re nangia awiri Ruere: Nata, Zera, Sama, na Miza. Agi yo re nangia awiri Basemata dia Esau.

¹⁴Agi yo re nangia awiri gu dia Esau nangia Oribama nangia wiri Ana, Ana nangia wiri Sibona. Ri ki batika Yusa, Yarama, na Kora fu Esau.

¹⁵Agi yo re nadu ni agbia dagba awiri Esau yo. Awiri Erifaza nangia bambata wiri Esau: nadu ni agbia nga Temana, Omara, Sefo, Kenaza,

¹⁶Kora, Gatama, na Amareka; agi yo dunduko re nadu ni agu agbia naenge ti Erifaza ringara Edome yo; i nangia awiri Ada.

¹⁷Agi yo re nangia awiri Ruere, nangia wiri Esau: nadu ni agbia nga, Zera, Sama, na Miza; agi yo re nangia agu agbia naenge ti Ruere ringara Edome yo; i nangia awiri Basemata dia Esau.

¹⁸Agi yo re ki ngia awiri gu dia Esau nangia Oribama; nadu ni agbia nga Yusa, Yarama, na Kora; i nangia agu agbia naenge ti Oribama wiri Ana dia Esau.

¹⁹Agi yo re nangia awiri Esau, ko nangia Eidome, i nangia gayo agbia.

²⁰Agi yo re nangia awiri Seira nangia boro Ori. I nangia agu yo nanaraka rogo gu ringara re: Rotana, Sobara, Sibona, Ana,

²¹Disona, Ezere, na Disana; agi yo re nangia agu agbia naenge ti aOri, nangia atita Seira rogo gu ringara nga Edome.

²²Awiri Rotana nangia Ori na Emama; dawiri Rotana ki ngia Timena.

²³Agi yo re ki ngia awiri Sobara: Aravana, Manata, Ebara, Sefo, na Onama.

²⁴Agi yo re ki ngia awiri Sibona: Aya, na Ana; ko nangia gu Ana nabi fafoi agugaabi ngbakungba yo wa ko abanda ga bako adongi nangia Sibona.

²⁵Agi yo re ki ngia awiri Ana: Disona na dawiriko nga Oribama.

²⁶Agi yo re nangia awiri Disona: Emedana, Esebana, Yiterana na Kerana.

²⁷Agi yo re nangia awiri Ezere: Birana, Zavana, na Akana.

²⁸Agi yo re nangia awiri Disana: Uza, na Arana.

²⁹Agi yo re nangia agu agbia naenge ti aOri: nga agi agbia re, Rotana, Sobara, Sibona, Ana,

³⁰Disona, Ezere, na Disana; agi yo re nangia agu agbia naenge ti aOri, ringbisi yo na kina gayo agbia ringara Seira yo.

³¹Agi yo re ki ngia agu abakindo nanazoga rago rogo ringara Edome, mbata bakindo nikadu yo nanazoga awiri aYisaraere.

³²Bera, nangia wiri Bora, ki nizogo rago Edome yo, rimo gako bakporo ki ngia Dinaba.

³³Bera ki kpi, Yobaba nangia wiri Zera nadu Bosura yo ki ye ka du ni bakindo ku ba ko.

³⁴Yobaba ki kpi, Usama nangia boro gu ringara nga ga aTemano, ki du ni bakindo ku ba ko.

³⁵Usama ki kpi, Adada ki du ni bakindo ku ba ko. Ko nangia wiri Bedada, gu ko nadi be aMidiano rogo gu ringara nga Moaba. Rimo gako bakporo ki ngia Avita.

³⁶Adada ki kpi, Samera nangia boro Maseraka ki du ni bakindo ku ba ko.

³⁷Samera ki kpi, Saura nangia boro Robota ti ngba gu di nga Ferata ki zogo rago ku ba ko.

³⁸Saura ki kpi, Baranana nangia wiri Akabora ki du ni bakindo ku ba ko.

³⁹Baranana ki kpi nangia wiri Akabora, Adara ki du ni bakindo ku ba ko. Rimo gako bakporo ki ngia Pau; rimo diako ki ngia Metabere, ri nangia wiri Maturede, nangia wiri Mezaba.

⁴⁰Gere nga arimo agu agbia naenge ti Esau, ringbisi he na kina arikayo, na gayo arago, na arimoyo: nga agu agbia nga Timena, Arava, Yetete,

⁴¹Oribama, Era, Pinona,

⁴²Kenaza, Temana, Mibesara,

⁴³Magadiere, na Irama. Agi yo re nangia agbia aEdome, rogo gayo arago ringbisi he na kina gayo aba rogo agu aringara i anazoga ha. Gu ko re nangia Esau nga ba aEdomo.