Read zande Bambata Pai 5 Bible Online

Bambata Pai 5 - zande bible

Bambata Pai 5

¹Gere nga kitabu angbatunga Adama. Ni gu rago Mbori afu boro, kpia Mbori Mbori afu ko ni.

²Kumba na de ko afu yo, ki fu maku fu yo ki ya ti yo Boro, ni gu rago ko afu yo re.

³Adama ki raki tipa agarã 130 ko ki batika kumbagude ni kpiako, wa kina ko teketeke, ki yambu rimoko nga Sete.

⁴Adama ki raki fuo batika ko Sete agarã ki du 800, ki nibatika akumbagude na adegude.

⁵Garã Adama adu dunduko 930; ko ki kpi.

⁶Sete ki raki tipa agarã 105 ko ki batika Enosa.

⁷Sete ki raki fuo batika ko Enosa agarã ki du 807, ki nibatika akumbagude na adegude.

⁸Garã Sete adu dunduko 912; ko ki kpi.

⁹Enosa ki raki tipa agarã 90 ko ki batika Kenana.

¹⁰Enosa ki raki fuo batika ko Kenana agarã ki du 815, ki nibatika akumbagude na adegude.

¹¹Garã Enosa adu dunduko 905; ko ki kpi.

¹²Kenana ki raki tipa agarã 70 ko ki batika Mararere.

¹³Kenana ki raki fuo batika ko Mararere agarã ki du 840, ki nibatika akumbagude na adegude.

¹⁴Garã Kenana adu dunduko 910; ko ki kpi.

¹⁵Mararere ki raki tipa agarã 65 ko ki batika Yerede.

¹⁶Mararere ki raki fuo batika ko Yerede agarã ki du 830, ki nibatika akumbagude na adegude.

¹⁷Garã Mararere adu dunduko 895, ko ki kpi.

¹⁸Yerede ki raki tipa agarã 162, ko ki batika Enoka.

¹⁹Yerede ki raki fuo batika ko Enoka agarã ki du 800, ki nibatika akumbagude na adegude.

²⁰Garã Yerede adu dunduko 962; ko ki kpi.

²¹Enoka, ki raki tipa agarã 65, ko ki batika Metusera.

²²Enoka ki nita na Mbori tipa agarã 300 fuo batika ko Metusera, ki nibatika akumbagude na adegude.

²³Garã Enoka adu dunduko 365.

²⁴Enoka ki nita na Mbori; ko ki birikpo, bambiko Mbori adi ko.

²⁵Metusera ki raki tipa agarã 187, ko ki batika Remeke.

²⁶Metusera ki raki fuo batika ko Remeke agarã ki du 782, ki nibatika akumbagude na adegude.

²⁷Garã Metusera adu dunduko 969; ko ki kpi.

²⁸Remeke ki raki tipa agarã 182, ko ki batika kumbagude,

²⁹ko ki yambu nmoko nga Noa, niya, “Ani abí wasa be gi ko re rogo gaani sunge na saberani, nga gu naye mbiko gu sende Yekova atiwa ha.”

³⁰Remeke ki raki fuo batika ko Noa agarã ki du 595, ki nibatika akumbagude na adegude.

³¹Garã Remeke adu dunduko 777; ko ki kpi.

³²Ho garã Noa adu ni wa 500 ko ki batika aSeme, na Ama, na Yepete.