Read zande 2 Abakindo 16 Bible Online

2 Abakindo 16 - zande bible

2 Abakindo 16

¹Were ti gu 17 garã zogarago nga ga Peka wiri Remaraya, Aza nangia wiri Yotama bakindo aYudo ki tona zoga rago.

²Garã Aza adu 20 ho ko atona zoga rago ni. Ko azogo rago Yerusarema yo tipa garã 16. Ono ko amanga nga gu pai naru aru bangiri Yekova gako Mbori, wa Dawidi nangia titako te.

³Ono ko apeka kina agu apai nangia ga abakindo aYisaraere, ko amangi wiriko ko susi rogo we ni gu kere gbegberẽ sino nangia ga arikaaboro, nga agu yo Yekova ado yo ku sa yo barangba awiri aYisaraere.

⁴Ko ki ta tumo ki nizo fuõngua ri tumbatumba arago na ri agangara, na tii agu angua dunduko du na fogo kpehe.

⁵Si du Resini bakindo aSurio aye na Peka wiri Remaraya bakindo aYisaraere kuti Yerusarema ni vura. I ki ru nguru kuti Aza, ono ka i arengba nga na dia be ko ya.

⁶Ti gu rago re Resini bakindo aSurio agasi Erata fu aSurio, ki do aYudo Erata yo. ASurio ki ye ku Erata yo, ki niraki yo, daku areme.

⁷Si du Aza akedi asunge ti ni koyo du Tigirata-piresera ni nangia bakindo aAsuro, ki ya, “Vururo nga mi nga wiro a. Mo ye kono ka batasa re be bakindo aSurio, na be bakindo aYisaraere a, nga agu yo zubare.”

⁸Azakirogoaguafedanadahabu i abi he rogo ga Yekova bambu yo, na rogo gu baiga kikiipaahe du rogo ga bakindo bambu yo, ki kedi he ni gamahe fu bakindo aAsuro.

⁹Bakindo aAsuro ki gi sangbako. Bakindo aAsuro ki ndu ka so vura kuti Damaseke, ki di he, ki zi aboro ho ni zizi yo ki ga na yo ku Kiri yo. Ko ki imi Resini a.

¹⁰Mo Bakindo Aza undu ni ku Damaseke yo ka ngbisa Tigiraia-piresera bakindo aAsuro, ko ki bi gu bamotumo nadu Damaseke yo Bakindo Aza ki kedi sunge kovo du Uriya boromotumo ni, na kpia gu bainotiiino re na pa ringbisa paha, na pa sunge he wa i amangi he.

¹¹Uriya boromotumo ki dua bamotumo wa kina gu Bakindo Aza akedi paha fu ko Damaseke yo, wo Uriya amangi he fu Bakindo Aza kuti rago yega ko Damaseke yo.

¹²Ho bakindo ayega ni Damaseke yo, bakindo ki bi gu bamotumo re. Bakindo ki mbedi koyo du bamotumo ni, ki biti ku ri he.

¹³Ko ki zo gako zozo motumo na gako motumo riahe, ki uka gako mbirimbiri motumo, ki migidi kure motumo zereda ku auru bamotumo.

¹⁴Gu bamotumo sirigi naadu dimoyo bara bangiri Yekova, Aza adi he barangba bambu, vo si adu ni, dagba gako bamotumo na ga Yekova bambu, ki moi he ku nodiyo pati gako bamotumo.

¹⁵Bakindo Aza ki rugu Uriya nangia boromotumo, ki ya, “Mo zo gu zozo motumo nga ga wiso ri gu bakere bamotumo, na gu motumo riahe nga ga nyemu, na ga bakindo zozo motumo, na gako motumo riahe, wa sa na gu zozo motumo nga ga aboro ringara dunduko, na gayo motumo riahe, na gayo mbirimbiri amotumo; ki migidi kure zozo motumo ku auru he dunduko, na kure amotumo dunduko. Ono bamotumo sirigi adu tipa kina re ka sana he yo.”

¹⁶Uriya boromotumo amangi he kina wo dunduko, kuti agu apai dunduko Bakindo Aza arugu he.

¹⁷Bakindo Aza ki kafu abazunga ũabamaasaani ki rogo bazundati ti ni ku sa yo. Ko ki di bakere bazundati ri kpia abaabagara sirigi naadu tii he yo, ki moi he ri kpakakpaka mbia.

¹⁸Ko arogo gu gene ku sa yo ti ga Yekova bambu naadu tipa rago sabiti, nga gu i akisi rihe akisa, si zungu agu abambu i adua ha dimo yo, ki gbarasi gu ga bakindo barima naadu ku zegi yo a, be gunde bakindo aAsuro.

¹⁹Were kura ga Aza apai nga gu ko amangi, ati si ni keke he rogo gu Kitabu Peka pa agu apai Abakindo aYudo anamanga?

²⁰Aza ki kpi fuo atitako, i ki kpisidi ko fuo atitako rogo gu bakporo nga ga Dawidi. Izikiya ki zogo rago ku ba ko nangia wiriko.