Read zande 1 Pekapai 20 Bible Online

1 Pekapai 20 - zande bible

1 Pekapai 20

¹Si adu wa gere, ni kura gará ti gu rago abakindo nakura sa vura ti ni, Yoaba ki ngbe mbata yo fu rikavura nga airanyaka, ki gbarasi gu ringara nga ga aAmono, ki ye ki ru nguru pati Raba. Ono Dawidi anye kina Yerusarema yo. Yoaba ki mangi Raba, ki gbarasi he.

²Dawidi ki di kpakpari bakindo ri gayo bakindo yo; ki ringbisi barõaha, ki bi he ya si adu wa taranda dahabu sa du mbembedi na akiro 50 kikiipa ambia adu ti ni a; i ki dua ha ku ri Dawidi. Ko ki kusi gu gbugbu ahe nga ga gu bakporo re, ni bakere he gbe.

³Ko ki kusi agu aboro naadu yo, ki moi yo ti sunge gbaka ngua, na sunge abaagita du rindihe gbazagara na sunge amangua; were Dawidi amangi fu agu abaakporo dunduko nga ga aAmono. Dawidi ki ga na aboro dunduko ku Yerusarema yo.

⁴Si adu wa gere fuo gure vura ki tona na a i ereseto ku Gezere yo. Sibekai boro Usa ki imi Sipai, naadu dagba atita gbanga gbanga aboro, i ki zogo aFereseto.

⁵Vura ki du berewe na aFereseto, Eranana wiri Yaira ki imi Rami wirina Goriata boro Gata, para gako baso adu wa ga abaturoko ngbongbo.

⁶Vura ki du berewe Gata yo, yo bagbanga kumba adu ni, naadu na awirinzagako ni ba sita ti akpatabeko, na awirinduko ni ba sita ti akpetenduko a, dunduko wa 24. Tita gbangagbanga aboro nangia ko a.

⁷Ho ko apayasi pa aYisaraere ni, Yonatana wiri Simi, unvurua Dawidi ki imi ko.

⁸Agi yo re adu ni atita gbangagbanga aboro Gata, Dawidi na avuruko ki imi yo.