Read zande 1 Pekapai 23 Bible Online

1 Pekapai 23 - zande bible

1 Pekapai 23

¹Were ho Dawidi agbinza ni gbe dungu agara ki saki ko, ko ki moi Soromo nga wiriko ni bakindo ku ri aYisaraere.

²Dawidi ki dungura agu abazogo nga ga aYisaraere yo dunduko na aboromotumo na aRevi.

³I agedi aRevi, tona ho garãyo anida ni 30 ka ndu ku mbata yo a, bange yo adu wa akumba 38,000.

⁴Dawidi ki ya, “Dagba agi yo yo re, agu yo adu ni abipasunge ga Yekova bambu wa akumba 24,000, abarumbatayo na abasapungbanga ki du wa akumba 6,000,

⁵ababanda angbadimo ki du wa akumba 4,000, agu yo nairisa Yekova na gu angbatunga auworo ahe nga gu mi amangi ka tambua he na ni i adu wa akumba 4,000.”

⁶Dawidi ki kparaka yo ku rogo arikayo a wa awiri Revi adu: i nangia Gerusoma, Koata, na Merari.

⁷Dagba awiri Gerusoma yo Radana ki du na Simi.

⁸Awiri Radana du re nga Yiere ni barumbatayo na Zetama na Yoere i adu biata.

⁹Awiri Simidure: Seromota, Aziere, na Arana, i adu biata. Agi yo re ki ngia abarumbatayo fu angbatunga ba Radana.

¹⁰Awiri Simi du re: Yata, Zina, Yusa, na Beria. Agi yo biama re ki ngia awiri Simi.

¹¹Yata ki ngia bambata yo, Ziza ki du ni ue yo ono Yusa na Beria adu nga na dungu akumbagude be yo te, si du i agedi yo ti ni ni ri angbatunga abayo wa boro sa.

¹²Awiri Koata du re: Amurama, Yisara, Eburone, na Uziere, i adu biama.

¹³Awiri Amuramadu re: Arona na Mose. Arona adu ni kparakpara ko ya ko kpara agu ahe du ni ziazia ha susi, ko na awiriko nye anye kindi ka azo fuõngua bara bangiri Yekova, na ka amanga pako ka afu maku ni rimoko nye anye kindi.

¹⁴Ono tipa Mose nangia ga Mbori kumba i ayambu rimo awiriko ku dagba ngbatunga Revi yo.

¹⁵Awiri Mose du re: Gerusoma na Eriezere.

¹⁶Wiri Gerusoma du re: Sebuere nangia Darumbatayo.

¹⁷Wiri Eriezere du re: Rabaya nangia barumbatayo; kura wiri Eriezere ni akumba adu nga ho te, ono awiri Rabaya ni akumba adu ni badungu yo.

¹⁸Wiri Yisara du re: Seromita nangia barumbatayo.

¹⁹Awiri Eburone du re: Yeriya ni bambata yo na Amaria ni ue yo, Yaziere ni biata yo, na Yekamama ni biama yo.

²⁰Awiri Uziere du re: Mika ni bambata yo na Yisiya ni ue yo.

²¹Awiri Merari du re: Mari na Musi. Awiri Mari du re: Erazara na Kisi.

²²Erazara ki kpi, ka akumbagude adu nga be ko ya, ono kina adegude; agumeyo nangia awiri Kisi, ki rogo yo ni adiayo.

²³Awiri Musi du re: Mari, Edere, na Yeremota, i adu biata.

²⁴Agi yo re nangia awiri Revi wa ngbatunga abayo adu, nangia agu yo naadu ni abarumbatayo fu angbatunga abayo wa i agedi yo rogo pa gedigedi yo ti rimoyo, nangia agu yo namangi sunge ga Yekova bambu, tona ho garãyo anida ni 20 ka ndu ku mbata yo a.

²⁵Bambiko Dawidi aya, “Yekova nga ga aYisaraere Mbori, fu zereda fu gako aboro; ko naraka Yerusarema yo nye anye kindi.

²⁶Ka aRevi atinda nga banye na gaha aũsunge du tipa manga paha berewe wa sa ya”―

²⁷bambiko mbiko gu yangara apai nangia ga Dawidi i agedi awiri Revi tona ho garãyo anida ni 20 ka ndu ku mbata yo―

²⁸“ono gayo sunge nikangia unda awiri Arona tipa manga pa sunge ga Yekova bambu, vurukporo ho na dimo yo a, na ka girisa gu ziazia ahe dunduko, na gu sunge nga manga pa ga Mbori bambu;

²⁹tipa kpokuta yugopai a, na tipa fufurũ ngungo tipa motumo riahe, watadu gu rukutu zozo kpokuta zanga agbooro ti ni, watadu gu du ni zozo ho rogo kpasakpasa asaani, watadu gu kodi yo ho na nzeme, na tipa ngbatunga sino ringbisahe na rika ha.

³⁰I aru na awiso, ka fu tambuahe na ka fu irisa fu Yekova, na anyemu a wo,

³¹na ka tumo na zozo amotumo dunduko fu Yekova rago asabiti, na rago fogo adiwi, na rago ringbisiringbisi apumbo, kuti gedigedi he wa du rugapai tipa ha, i nimangi he ku bangiri Yekova nye anye kindi.

³²I ki nika kuti pa banda bamburoko dungurati na pa banda kparakpara ba, na agu apai du tipa awiri Arona nangia awirinayo, tipa manga pa ga Yekova bambu.”