Read zande 1 Pekapai 24 Bible Online

1 Pekapai 24 - zande bible

1 Pekapai 24

¹Were agu arika nangia ga awiri Arona nga agi yo re. Awiri Arona du re: Nadaba, Abiu, Erazara, na Itamara.

²Ono Nadaba na Abiu akpi mbata fu bayo, ka agude adu nga be yo ya, si du Erazara na Itamara ki nimangi gu sunge nga ga boromotumo.

³ADawidi ki kparaka yo wa rikayo adu tipa manga gayo sunge. Sadoka dagba awiri Erazara na Aimereke dagba awiri Itamara ki unda ko na ni.

⁴Wa i abi abarumbatayo dagba awiri Erazara yo ki susi agu yo naadu dagba awiri Itamara yo, si du i akparaka yo dagba awiri Erazara yo ku ri ngbatunga abayo; dagba awiri Itamara yo, i adu muambi wa ngbatunga abayo adu.

⁵1 akparaka yo niba ake, ngbatunga gu boro sa na gu kura ni, bambiko abazogo adu kina ho nga ga kparakpara ba yo, na abazogo nga ga ga Mbori bambu yo, dagba awiri Erazara yo na dagba awiri Itamara yo a.

⁶Semaya nangia wiri Netanere nangia bakeapai naadu dagba aRevi yo, ko ki ke pa yo ku bangiri bakindo, na ku bangiri abazogo, na Sadoka boromotumo, na Aimereke nangia wiri Abiatara, ku bangiri abarumbatayo fu ngbatunga aboromotumo na aRevi a; ngbatunga abayo sa i anisia tipa Erazara, na ngbatunga sa tipa Itamara.

⁷Were gu bambata ake ati fu Yoriariba, ue he fu Yedaya,

⁸biata ha fu Arima, biama ha fu Sorima,

⁹bisue he fu Marekiya, sita ha fu Miyamina,

¹⁰saba ha fu Akosa, muambi he fu Abiya,

¹¹ribua ha fu Yesua, bawe he fu Sekanya,

¹²11 ha fu Eriasiba, 12 he fu Yakima,

¹³13 ha fu Upa, 14 ha fu Yesebaba,

¹⁴15 he fu Biriga, 16 ha fu Imere,

¹⁵17 ha fu Ezira, 18 he fu Apisese,

¹⁶19 ha fu Petaya, 20 he fu Yezekere,

¹⁷21 ha fu Yakina, 22 he fu Gamura,

¹⁸23 ha fu Deraya, 24 ha fu Mazaya.

¹⁹Gere nangia pa kparaka yo tipa manga gayo asunge i niye ku rogo ga Yekova bambu yo wa Arona arugu pa ha ki ringbisi he fu yo nangia bayo, a wa Yekova ga aYisaraere Mbori arugu ko na ni.

²⁰Tipa gu yangara awiri Revi: dagba awiri Amurama yo, Subaere ki du; dagba awiri Subaere yo, Yedaya ki du.

²¹Tipa ga Rabaya yo: dagba awiri Rabaya yo Yisiya ki du ni barumbatayo.

²²Dagba aYisara yo, Seromota ki du; dagba awiri Seromota yo, Yata ki du.

²³Dagba awiri Eburone yo: Yeriya ki du ni bambata yo, Amaria ki ngia ue yo, Yaziere ki du ni biata yo, Yekamana ni biama yo.

²⁴Dagba awiri Uziere yo, Mika ki du; dagba awiri Mika yo, Samire ki du.

²⁵Unvurua Mika ki ngia Yisiya; dagba awiri Yisiya yo, Zekaraya ki du.

²⁶Dagba awiri Merari yo: Mari ki du na Musi. Dagba awiri Yaziya yo: Beno ki du.

²⁷Dagba awiri Merari yo: awiri Yaziya ki du nangia Beno, Soama, Zakura, na Iburi.

²⁸Tipa ga Mari yo, Erazara ki du naadu nga na kumbagude be ko ya.

²⁹Tipa ini Kisi yo, dagba awiri Kisi: Yeramera ki du.

³⁰Dagba awiri Musi: Mari ki du, na Edere, na Yerimota. Agi yo re nangia awiri Revi wa ngbatunga abayo adu.

³¹Agi yo re nnaba ake wa kina awirinayo nangia awiri Arona ku bangiri Bakindo Dawidi, na ku bangiri Sadoka, na Aimereke, na ku bangiri nbarumbatayo fu ngbatunga aboromotumo na ga aRevi yo; i nangia abarumbatayo fu ngbatunga abayo wa sa na ga atameyo.