Read zande 1 Pekapai 26 Bible Online

1 Pekapai 26 - zande bible

1 Pekapai 26

¹Tipa agu arika nga ga ababanda ngbadimo: dagba angbatunga Koata, Meseremia ki du nangia wiri Kore, dagba awiri Asafa yo.

²Awiri Meseremia du re: Zekaraya ni bambata vungu, Yediyaere ki du ni ue yo, Zebadaya ni biata yo, Yateniere ni biama yo,

³Erama ni bisue yo, Yoanana ni sita yo, Ereyoenai ni saba yo.

⁴Awiri Obede-edome du re: Semaya ni bambata vungu, Yozabada ki du ni ue yo, Yoa ni biata yo, Sakara ni biama yo, Netanere ni bisue yo,

⁵Amiere ni sita yo, Yisasakara ni saba yo, Puretai ni muambi yo; bambiko Mbori afu maku fu ko.

⁶Semaya nangia wiri Obede-edome abatika awiriko a nangia agu yo nazoga ngbatunga abayo, bambiko i adu ni airanyaka ni ngangarã akumba.

⁷Awiri Semaya du re: Oteni, Refaere, Obede, na Erezabada, awirinako adu ni ngangarã aboro, nangia Eriu na Semakaya.

⁸Agi yo re dunduko nangia ngbatunga awiri Obede-edome na awiriyo na awirinayo, nangia agu akumba rengbe omeyo tipa sunge; wa akumba 62 nangia ga Obede-edome yo.

⁹Meseremia adu na awiriko na awirinako, nangia k an gara akumba, wa 18.

¹⁰Osa adu a na awiriko, nangia ngbatunga awiri Merari: Simiri nangia barumbatayo, bambiko wa ko avura du nga ni bambata vungu ya, bako amoi ko ni barumbatayo

¹¹Erekiya ki du ni ue yo, Tebaraya ni biata yo, Zakaraya ni biama yo: awiri Osa na awirinako adu wa aboro 13 dunduko.

¹²Dagba agi yo yo re arika ababanda ngbadimo adu ni, dagba abarumbatayo a, naadu na sunge a wa kina awirinayo, ka amanga sunge tii ga Yekova bambu yo.

¹³I ki ba ake, gu umba pa yo wa kikindigi pa yo a, wa angbatunga abayo adu, tipa angbadimo ni ba sa sa.

¹⁴Gu tipa ngbadimo ku uroyo ki ti fu Seremia. Fuo gure i aba ake tipa Zekaraya nangia wiriko, babio bororondo, ake ki ti tipa ko ku nodiyo.

¹⁵Tipa Obede-edome si ki ti tipa ko ku sudiyo, na tipa awiriko si ki yugu pa bambu iga ahe.

¹⁶Ake ki ti tipa Supima na Osa ku dioyo, Dati gu ngbadimo nga ga Sarekete ngba gu gene naandu ku ngbi yo. Babandarago ki du wa sa na gu babandarago.

¹⁷ARevi anidu ku uroyo sita na uru, ku nodiyo i anidu biama na uru, ku sudiyo biama a na uru, gbiakuti bambu iga ahe yo i adu ni ni ba ue ue;

¹⁸ku Parubara ku dioyo biama ki du ngba gu gene naandu ku ngbi yo, ue ki du ku Parubara yo a.

¹⁹Agi yo re nangia agu arika nga ga ababanda ngbadimo dagba ga awiri Kora yo na ga awiri Merari yo.

²⁰Dagba aRevi yo, Aiya naadu ku ri gu kikiipaahe naadu rogo ga Mbori bambu, na ku ri gu kikiipaahe i akpara ha.

²¹Tipa awiri Radana, Yiere ki du, na tipa agu awiri ngbatunga Gerusona a nangia ga Radana aboro, naadu ni abarumbatayo fu angbatunga abayo nangia Radana ni boro Gerusona.

²²Dagba awiri Yiere, Zetama ki du na Yoere nangia tameko, ki du ku ri gu kikiipaahe naadu rogo ga Yekova bambu yo.

²³Ga Amurama yo, dagba aYisara yo, na daeba aEburone yo, na dagba aUziere yo―

²⁴Sebuere ki du ni gbia ku ri pa kikii paahe nangia wiri Gerusoma, Gerusoma ki ngia wiri Mose.

²⁵Dagba awirinako yo: naaenge ti Erezere Rebaya nangia wiriko ki du, na Yesaya nangia wiri Rebaya, na Yorama nangia wiri Yesaya, na Zikiri nangia wiri Yoroma, na Seromota nangia wiri Zikiri.

²⁶Gi Seromota re na awirinako adu ku ri gu kikiipaahe naadu ni kparakpara ha dunduko, bakindo Dawidi akpara ha wa sa na abarumbatayo fu angbatunga abayo, na abarutirivura nga ga akutu yo na ga akama yo, na abarutiri rimbasa aborosovura.

²⁷Dagba agu ahe i agbu he ti vura i akpara gu ka mbakada ga Yekova bambu na ni.

²⁸Gbiakuti agu ahe dunduko Samuere nangia babiapai akpara ha, na Saura nangia wiri Kisi, na Abinere nangia wiri Nere, na Yoaba nangia wiri Seruya, agu ahe i anikpara ha si anidu dunduko ku tii be Seromota na awirinako.

²⁹Dagba ngbatunga aYisara yo, Kenanaya na awiriko adu ku ri agu asunge naadu ku zegi yo nangia ga aYisaraere, naadu ni abasapungbanga a.

³⁰Dagba ngbatunga aEburone yo, Asabia na awirinako adu ku ri agu asunge dunduko nangia ga aYisaraere ku mbiti Yaradene ku dioyo, na tipa ga Yekova apai dunduko na tipa ga bakindo sunge a, i adu wa kangará akumba 1,700.

³¹Dagba ngbatunga aEburone yo, Yeriya ki ngia barumbatayo, fu ngbatunga Eburone, wa du arikayo ni angbatunga abayo. Ti gu 40 garã zogarago nangia ga Dawidi i agbata aboro, i ki bi airanyaka ni ngangarã aboro dagba yo Yazere yo du Girada yo.

³²Bakindo Dawidi amoi Yeriyo na awirinako nangia kangará aboro, wa akumba 2,700, naadu ni abarumbatayo fu angbatunga abayo, i du ni abazogo ku ri ngbatunga Rubena, na Gada, na gu bebere ngbatunga Manase tipa bi agu apai dunduko nga ga Mbori, na tipa ga bakindo apai a.