Read zande 1 Pekapai 27 Bible Online

1 Pekapai 27 - zande bible

1 Pekapai 27

¹Were pa bange aYisaraere du re: rogo arika ni ba sa sa, aboro anidu 24,000: agu aboro ki du ni abarumbatayo fu angbatunga abayo, na abarutirivura nga ga akutu yo na ga akama yo, na gayo abarumbatayo nangia agu yo nanamanga pa bakindo rogo gu ringbisiringbisi pai nanaye na gu nanakura na diwi na adiwi dunduko rogo gu garã.

²Yasobama nangia wiri Zabediere ki du ku ri gu bambata rika tipa bambata diwi; aboro gako rika adu wa 24,000.

³Ko adu ni tita Perese ni gbia abarutiri rimbasa aborosovura dunduko tipa bambata diwi.

⁴Dodai boro Awoa ki du ku ri gu ue rika aboro nga ga ue diwi, Mikerota ki ngia hazogo gako rika, aboro gako rika adu wa 24,000.

⁵Biata barutiri rimbasa aborosovura tipa biata diwi angia Benaya ni gbia, nangia wiri Yoyada boromotumo; aboro gako rika adu wa 24,000.

⁶Gi ko re nga Benaya nangia iranyaka dagba agu yo naadti 30; ko adu ku ri agu yo 30, Amizabada nangia wiriko adu dagba gako rika.

⁷Gu biama barutirivura, tipa biama diwi, ki ngia Asaere tame Yoaba, Zebadaya ki du fuo ko nangia wiriko; aboro gako rika adu wa 24,000.

⁸Gu bisue barutirivura, tipa bisue diwi, ki ngia Samuta boro Yisara; aboro gako rika adu wa 24,000.

⁹Gu sita barutirivura, tipa sita diwi, ki ngia Ira, wiri Ikese boro Tekua; aboro gako rika adu wa 24,000.

¹⁰Gu saba barutirivura, tipa saba diwi, ki ngia Erese boro Perone, ni tita Efuraima; aboro gako rika adu wa 24,000.

¹¹Gu muambi barutirivura, tipa muambi diwi, ki ngia Sibekai boro Usa, ni ngbatunga Zera; aboro gako rika adu wa 24,000.

¹²Gu ribua barutirivura, tipa ribua diwi, ki ngia Abiezere boro Anatota, ni ngbatunga Benyamina; aboro gako rika adu wa 24,000.

¹³Gu bawe barutirivura, tipa bawe diwi, ki ngia Marai boro Netofa, ni ngbatunga Zera; aboro gako rika adu wa 24,000.

¹⁴Gu 11 barutirivura, tipa 11 diwi, ki ngia Benaya boro Piratona, ni tita Efuraima; aboro gako rika adu wa 24,000.

¹⁵Gu 12 barutirivura, tipa 12 diwi, ki ngia Eredai boro Netofa, ni ngbatunga Oteniere; aboro gako rika adu wa 24,000.

¹⁶Agi yo re naadu ku ri angbatunga aYisaraere, Eriezere nangia wiri Zikiri adu ni bazogo ku ri ngbatunga Rubena; Sefataya nangia wiri Maka, ki du ku ri ngbatunga Simona;

¹⁷Asabeya nangia wiri Kemuere, ki du Ku ri ngbatunga Revi; Sadoka ki du ku ri ngbatunga Arona;

¹⁸Eriu nangia wirina Dawidi ki du ku ri ngbatunga Yuda; Omeri nangia wiri Mikaere ki du ku ri ngbatunga Yisasakara;

¹⁹Yisemaya nangia wiri Obadaya ki du ku n ngbatunga Zeburuna; Yeremota nangia wiri Azuriere ki du ku ri ngbatunga Nafaitari;

²⁰Osea nangia wiri Azazaya ki du ku ii ngbatunga Efuraima; Yoere nangia wiri Pedaya ki du ku ri bebere ngbatunga Manase;

²¹Ido nangia wiri Zekaraya ki du ku ri gu bebere ngbatunga Manase naadu Girada yo; Yasiere nangia wiri Abinera ki du ku ri ngbatunga Benyamina;

²²Azarere nangia wiri Yeroama ki du ku ri ngbatunga Dana. Agi yo re nangia abazogo ku ri angbatunga aYisaraere.

²³Ono Dawidi ageda nga agu yo gara yo ada nga ti 20 ya te, bambiko Yekova aya ko angeésa aYisaraere wa kina akerekuru ngbangbaturũ yo.

²⁴Yoaba wiri Seruya ki tona geda aYisaraere, ono ka ko anyasa nga yo ya; bambiko zinga aye ku ri aYisaraere tipa gi pai re, i ake nga pa bange yo ku rogo gu kitabu peka pa Bakindo Dawidi a te.

²⁵Azemaveta adu ku ri ga bakindo kikiipaahe nangia wiri Adiere; Yonatona nangia wiri Uziya ki du ku ri abambu iga ahe naadu ringara yo, na gu naadu rogo abaakporo, na rogo wiri akporo, na rogo kura nyanyaki agbata a;

²⁶Ezeri nangia wiri Keruba ki du ku ri agu yo nanamanga sunge sopa bino;

²⁷Simi boro Rama ki du ku ri aati bakakue; Zabedi boro Sefeme ki du ku ri sunge zuzu bakakue na baiga imehe a.

²⁸Bara-nana boro Gedera ki du ku ri angua eraya na angua du wa vurumo naadu ngboongboorago yo; Yoasa ki du ku ri baiga nzeme.

²⁹Siterai boro Sarona ki du ku ri agu arimbasa anya i anariga ra Sarona yo; Safata nangia wiri Aderai adu ku ri agu arimbasa anya naadu ngboongboorago yo.

³⁰Obira boro Yisamaere ki du ku ri akameri; Yedeya boro Merona ki du ku ri anaadongi. Yaziza boro Agara ki du kir ri rimbasa akandoro.

³¹Agi abazogo re dunduko naadu ku ri gu aũkumuko nangia ga Bakindo Dawidi.

³²Yonatana nangia unduruba Dawidi ki du ni bororondo, ni boro rugatinapai, ni bakeapai a; ko gbia kuti Yiere nangia wiri Akemoni adu ni ababanda awiri bakindo.

³³Aitofere adu ni ga bakindo bororondo, Usai boro Araka adu ni badia bakindo.

³⁴Yayada nangia wiri Benaya ki du fuo Aitofere, na Abiatara a. Yoaba adu ni barutiri ga bakindo rimbasa aborosovura.