Read zande 1 Pekapai 7 Bible Online

1 Pekapai 7 - zande bible

1 Pekapai 7

¹Agi yo re nangia awiri Yisasakara: Tora, Pua, Yasuba, na Simerona, i wa aboro biama.

²Awiri Tora ki ngia Uzi; Refaya, Yeriere, Yamai, Yibesama, na Simuere, i ki du ni abarumbatayo fu angbatunga abayo, nangia ngbatunga Tora. I adu ni airanyaka ni ngangarã aboro dagba arika ngbatungayo, pa gedigedi yo rago Dawidi i adu wa aboro 22,600.

³Gi ko re nangia wiri Uzi, Yizeraya. Awiri Yizeraya ki ngia Mikaere, Obadaya, Yoere, na Yisiya, wa aboro bisue, i dunduko adu ni kina abarukuripai;

⁴i adu na arikavura a, wa arika angbatungayo adu, nga angbatunga abayo tipa so vura, wa aboro 36,000, bambiko adiayo adu ni dungu yo, awiriyo ki du ni dungu yo a ni akumbagude.

⁵Awirinayo dunduko dagba arika Yisasakara yo adu ni airanyaka ni ngangarã aboro, i adu ni gedigedi yo ni arika ngbatungayo wa aboro 87,000.

⁶Agi yo re nangia awiri Benyamina: Bera, Bekere na Yediyaere, wa aboro biata.

⁷Agi yo re nangia awiri Bera: Esebone, Uzi, Uziere, Yerimota, na Iri, wa aboro bisue, i ki du ni abarumbatayo fu ngbatunga abayo, ni airanyaka ni ngangarã aboro. I agedi yo ni arika ngbatungayo wa aboro 22,034.

⁸Agi yo re nangia awiri Bekere: Zemira, Yoasa, Eriezere, Ereyoenai, Omeri, Yeremota, Abiya, Anatota, na Aremeta. Agi yo re dunduko nangia awiri Bekere.

⁹I agedi yo wa rikayo adu wa pa angbatungayo adu a, ni abarumbatayo fu angbatunga abayo, ni airanyaka ni ngangarã yo, wa aboro 20,200.

¹⁰Wiri Yediyaere ki ngia Birana. Awiri Birana ki ngia Yusa, Benyamina, Euda, Kenana, Zetana, Tarusisa, na Aisara.

¹¹Agi yo re dunduko nangia awiri Yediyaere i adu ni abarumbatayo fu angbatunga abayo, ni airanyaka ni ngangarã yo, wa aboro 17,200, nangia agu yo rengbe ka kura na rimbasavura tipa so vura.

¹²Sufima ki du a na Ufima nangia awiri Ira, na Usima wiri Aere.

¹³Agi yo re nangia awiri Nafatari: Yaziere, Guni, Yesere, na Saruma, nayo nangia Bira.

¹⁴Agi yore nangia awiri Manase: Aseriere, gako debadia avungu ko nangia boro Arama; ri ki vungu Makira nangia ba Girada.

¹⁵Makira ki rogo ade fu Ufima na fu Sufima. Rimo dawiriko angia Maka. Rimo gu ue wiri Manase ki ngia Serofada; Serofada abatika kinaku adegude.

¹⁶Dia Makira nangia Maka ki batika kumbagude, ri ki yambu rimoko nga Perese; rimo tameko ki ngia Serese; awiriko ki ngia Urama na Rakeme.

¹⁷Wiri Urama ki ngia Bedana. Agi yo re nangia awiri Girada, Girada ki ngia wiri Makira, Makira ki ngia wiri Manase.

¹⁸Amorekete nangia dawiriko ki batika Isodo, Abiezere, na Mara.

¹⁹Awiri Semida ki ngia Ayana, Sekeme, Riki, na Aniama.

²⁰Agi yo re nangia awiri Efuraima: Sutera, Berede ki ngia wiri Sutera, Tata ki ngia wiri Berede, Erada ki ngia wiri Tata,

²¹na Zabada ki ngia wiri Erada, Sutera ki ngia wiri Zabada, na Esere na Erada a, i agu aboro Gata yo aimi yo, i avungu vo ringara yo, bambiko i aye ka tuka gayo zogozogo anya.

²²Efuraima nangia titayo ki kpari yo tipa dungu arame, awirinako ki ye ka ngarãsa ko.

²³Efuraima ki ini diako, ri ki du na mobara ki batika kumbagude; ko ki yambu rimoko nga Beria, bambiko rungo ati ku rogo gako kporo.

²⁴Wiriko ni de nangia Sera, ki dua Betorono gu du ku Dioyo na gu du ku Ngbi yo, na Uzena-sera a.

²⁵Refa ki ngia wiriko a, na Resefe, wiri Resefe ki ngia Tera, wiri Tera ki ngia Tana,

²⁶wiri Tana ki ngia Radana, wiri Radana ki ngia Amiuda, wiri Amiuda ki ngia Erisama,

²⁷wiri Erisama ki ngia Nuna, wiri Nuna ki ngia Yosua.

²⁸Gayo aringara na gayo baraka angia Betere na agu abaakporo nga gaha, na ku uroyo ku Narana yo, na ku dioyo ku Gezere yo na gaha abaakporo, Sekeme a wo na gaha abaakporo, daku Gaza yo na gaha abaakporo;

²⁹na pati agu abangbandarago nga ga awiri Manase, Bete-sana na gaha abaakporo, Tanaka na gaha abaakporo, Megido na gaha abaakporo, Doro na gaha abaakporo. Awiri Yosefa nanaraka rogo agu arago re nangia wiri Yisaraere.

³⁰Agi yo re nangia awiri Asera: Yimena, Yiseva, Yisevi, Beria, na Sera nangia dawiriyo.

³¹Agi yo re nangia awiri Beria: Ebere na Marekiere, nangia ba Biruzayita.

³²Ebere ki batika Yiferata, Somere, Otama, na Sua nangia dawiriyo.

³³Awiri Yiferata ki ngia Pasaka, Bimara, na Asevata. Agi yo re nangia awiri Yiferata.

³⁴Agi yo re nangia awiri Somere nangia tame Yiferata: Ai, Roga, Yuba, na Arama.

³⁵Agi yo re nangia awiri Ereme nangia tameko: Sofa, Yimana, Serese, na Amara.

³⁶Agi yo re nangia awiri Sofa: Sua, Arunefere, Suara, Beri, Yimera,

³⁷Bezere, Odo, Sama, Siresa, Yiterana na Bera.

³⁸Agi yo re nangia awiri Yetere: Yefune, Pisepa, na Ara.

³⁹Agi yo re nangia awiri Ura: Ara, Aniere na Risaya.

⁴⁰Agi yo re dunduko nangia ngbatunga Asera, i adu ni abarumbatayo fu angbatunga abayo, siasia aboro ni airanyaka ni ngangarã aboro, ku ri abazogo. Pa gedigedi yo adu wa aboro 26,000 wa arikayo adu, tipa ndu ka sovura.