Read zande 1 Pekapai 9 Bible Online

1 Pekapai 9 - zande bible

1 Pekapai 9

¹Si du i agedi aYisaraere ti ni dunduko ni rika angbatunga yo. I ake payo rogo gu Kitabu nga ga Abakindo aYisaraere. Ono i aga na aYudo ku Babera yo ni zizi yo mbiko gayo tiandika.

²Agu aboro naraka ni bambata aboro berewe rogo boro gayo aringara na rogo gayo abaakporo nangia kina aYisaraere, na aboromotumo, aRevi, na aNetina.

³Agu aboro Yuda ki niraki Yerusarema yo, na agu aBenyamino, na agu awiri Efuraima na aManase:

⁴nga Utai nangia wiri Amiuda, Amiuda angia wiri Omeri, Omeri ki ngia wiri Imeri, Imeri ki ngia wiri Bani, naenge ti awiri Perese nangia wiri Yuda.

⁵Dagba aboro Siro yo: Asaya ki niraki yo a nangia bambata vungu, na awiriko.

⁶Dagba awiri Zera yo: Yuere ki niraki yo na awirinako, wa aboro 690.

⁷Dagba awiri Benyamina yo: Saru ki niraki yo nangia wiri Mesurama, Mesurama angia wiri Odaveya, Odaveya ki ngia wiri Asenua.

⁸Yibeneya ki niraki yo nangia wiri Yeroama, na Era nangia wiri Uzi, Uzi ki ngia wiri Mikeri, na Mesurama nangia wiri Sefataya, Sefataya angia wiri Ruere, Ruere ki ngia-wiri Yibeniya;

⁹na awirinayo a, wa du pa rika ngbatungayo, wa aboro 956. Agi aboro re dunduko nangia abarumbatayo fu ngbatunga abayo wa angbatunga abayo adu.

¹⁰Dagba aboromotumo yo: Yedaya ki niraki yo na Yoriariba, na Yakina,

¹¹na Azaraya nangia wiri Erekiya, Erekiya angia wiri Mesurama, Mesurama ki ngia wiri Sadoka, Sadoka ki ngia wiri Merayota, Merayota ki ngia wiri Aituba, nangia bazogo ku ri ga Mbori bambu;

¹²Adaya ki niraki yo a nangia wiri Yeroama, Yeroama angia wiri Pasura, Pasura ki ngia wiri Marekiya, na Masai nangia wiri Adiere, Adiere angia wiri Yazera, Yazera ki ngia wiri Mesurama, Mesurama ki ngia wiri Mesiremita, Mesiremita ki ngia wiri Imere;

¹³gbia kuti awirinayo naadu ni abarumbatayo fu angbatunga abayo, wa aboro 1,760. I adu ni ndikidi agu aboro narengbe tipa manga pa gu sunge nga ga ga Mbori bambu.

¹⁴Dagba aRevi yo: Semaya ki niraki yo a nangia wiri Asuba, Asuba angia wiri Asurikama, Asurikama ki ngia wiri Asabeya, naenge ti awiri Merari,

¹⁵na Bakabakara ki niraki yo a na Erese, na Garara, na Matania nangia wiri Mika, Mika angia wiri Zikiri, Zikiri ki ngia wiri Asafa;

¹⁶na Obadaya nangia wiri Semaya, Semaya angia wiri Garara, Garara ki ngia wiri Yedutuna, na Berekaya nangia wiri Asa, Asa angia wiri Erekana nangia agu yo naraka rogo ga aNefota akporo.

¹⁷Ababanda ngbadimo ki ngia Saruma na Akuba na Tarumona, na Aimana, na awirinayo, Saruma ki du ni barumbatayo.

¹⁸I adu mbata ni ababanda gu ga bakindo ngbadimo naadu ku uroyo. I adu ni ababanda ngbadimo tipa ga awiri Revi bataya.

¹⁹Saruma nangia wiri Kore, Kore angia wiri Ebeyasafa, Ebeyasafa ki ngia wiri Kora, gi Saruma re na awirinako dagba angbatunga bako yo nangia aKoro i adu ku ri sunge ni ababanda angbadimo bamburoko dungurati yo a wa abayo adu mbata ku ri ga Yekova bataya, ni ababanda barima.

²⁰Finasa wiri Erazara adu ni bazogo ku ri yo ni gu rago naadu mbata; Yekova adu na ko.

²¹Zekaraya nangia wiri Meseremaya adu ni babanda ngbadimo bamburoko dungurati.

²²Agi yo re dunduko, nga agu yo i asia yo i du ni ababanda angbadimo i adu wa aboro 212. I agedi agi yo re dagba rika angbatungayo yo rogo gayo akporo. I nangia agu yo aDawidi na Samuere nangia babiapai akpara yo sa gayo ringbisiringbisi sunge.

²³Si du i na awiriyo adu ti ni ku ri pa sunge banda angbadimo ga Yekova bambu, nangia bamburoko, ni ringbisiringbisi yo.

²⁴Ababanda angbadimo adu ti agu apavuru bambu du biama, ku uroyo, ku dioyo, ku nodiyo, na sudiyo.

²⁵Awirinayo rogo gayo akporo, gayo pai nangia ka aye koyo du yo ni ti kina asaba rame, ka aye kina wo a kindi ka du na yo.

²⁶Agu ababanda angbadimo naadu biama ku ri akurayo, nangia aRevi, i adu na ringbisiringbisi sunge ni ba sa sa, ki du ku ri agu avuru bambu na ku ri gu igiigi ahe naadu rogo ga Mbori bambu yo.

²⁷I ki zi ba yo kirikiri pati ga Mbori bambu; bambiko pa ruga paha adu ku be yo, pa za angbadimo ki du ni gayo pai wiso na awiso.

²⁸Agu yo ki du dagba yo naruga pa aũsunge nga ga mangapai, bambiko i anirimisi he ni gedigedi he ki nikusi he ni gedigedi he a.

²⁹1 aringbisi agu yo a i nibi pa aubambu, ki nibanda pa aũsunge dunduko nga ga ziazia ba, ki du ku ri fufuru ngungo, na imekakue, na nzeme, na fuõngua, na wene fuõngua.

³⁰Agu yo a, dagba awiri aboromotumo yo i ambakadi nzeme na wene fuõngua.

³¹Matitaya nangia boro dagba aRevi yo, nangia bambata wiri Saruma ngbatunga aKora, ko adu ku ri agu ahe i anazo ho rogo kpasakpasa asaani.

³²Kura awirinayo dagba awiri ngbatunga aKoata yo adu ku ri pa kpokuta yugopai, ka ambakada ha na asabiti du.

³³Agi yo re nangia abayango, nangia abarumbatayo fu angbatunga aRevi, nanaraka dimo yo ka i amanga nga kura mangapai berewe ya, bambiko i anamanga gayo sunge uru na yuru a.

³⁴Agu yo re nangia abarumbatayo fu angbatunga a Revi, ti rago ngbatungayo ni abarukuripai, nanaraka kina Yerusarema yo.

³⁵Gibona yo Yiere anaraka ni nangia ba Gibona, rimo diako angia Maka,

³⁶bambata wiriko ki ngia Abidona, fuo ko Sura ki du, na Kisi, Bara, Nere, Nadaba,

³⁷Gedora, Ayo, Zekaraya, na Mikerota.

³⁸Mikerota ki batika Simama. Agi yo re anaraka na kina awirinayo Yerusarema yo, mbembedi na agumeyo.

³⁹Nere ki batika Kisi, Kisi ki batika Saura, Saura ki batika Yonatana, na Marekisua, Abinadaba, na Esebara.

⁴⁰Wiri Yonatana ki ngia Meribabara; Meriba-bara ki batika Mika.

⁴¹Awiri Mika ki ngia Pitona, Mereke, Tarea, na Aza.

⁴²Aza ki batika Yara, Yara ki batika Aremeta, na Azemaveta na Zimiri. Zimiri ki batika Mosa.

⁴³Mosa ki batika Bina; wiri Bina ki ngia Refaya, Erasa ki ngia wiri Refaya, wiri Erasa ki ngia Asera.

⁴⁴Awiri Asera adu sita, rimoyo du re: Azurikama, Bokeru, Yisamaere, Saraya, Obadaya, na Anana; agi yo re nangia awiri Asera.