Read zande 2 Pekapai 11 Bible Online

2 Pekapai 11 - zande bible

2 Pekapai 11

¹Ho Rabama ada ni ku Yerusarema yo, ko ki dungura ngbatunga Yuda, na ngbatunga Benyamina, nangia siasia akumba wa 180,000 nadu ni aborosovura, i so vura kuti aYisaraere, ka karaga ngbi berewe fu Rabama.

²Ono sangba Yekova ki ye koyo du Semaya ni nangia ga Mbori kumba ki ya;

³“Mo gúmba pai fu Rabama nga wiri Soromo nga bakindo aYudo, na fu aYisaraere dunduko du Yuda yo na fu agu yo du ku Benyamina yo a, ki ya,

⁴‘Ya Yekova wẽ, Ka oni ndú nga ya, ka oni só nga vura kuti awirinaroni a ya. Oni káraga tironi dunduko ku kpuroni yo, bambiko gi pai re ye he be re.’ ” Si du i agi sangba Yekova ti ni, ki karaga tiyo berewe, ka i andu nga na vura kuti Yerobama ya.

⁵Rabama ki niraki Yerusarema yo, ki dudua abaakporo tipa nyakasa bandatise Yuda yo.

⁶Ko ki dua Betereme, na Etama, na Tekua,

⁷na Bete-zura, na Soko, na Adurama,

⁸na Gata, na Maresa, na Zifi,

⁹na Adoraima, na Rakisa, na Azeka,

¹⁰na Zora, na Ayorana, na Eburone, nga gu naadu Yuda yo na Benyamina yo a ni abaakporo ngapa.

¹¹Ko ki nyakasi gu nyanyaki aba, ki moi abarutirivura rogo ho, ki igi riahe yo, na nzeme, na imekakue.

¹²Ko ki moi bakikii avurakube rogo abaakporo dunduko na abaso a, ki nyakasi he anyakasa ki susi. Ringara Yuda na Benyamina ki du ni gako.

¹³Agu aboromotumo na agu aRevi naadu rogo ringara Yisaraere dunduko akaraga tiyo koyo du ko ni ti gayo abaraka dũ.

¹⁴Bambiko aRevi ambu gayo ringara banambu na gayo ahe ki ye ku Yuda yo na ku Yerusarema yo, bambiko Yerobama na awiriko aba yo ku sa yo ti manga pa gu sunge nga ga aboromotumo fu Yekova.

¹⁵Yerobama ki ringbisi aboro ni tiko ni aboromotumo tipa tumbatumba arago, na tipa kpia abaameme, na tipa kpia wiri abagara nga agu ahe ko amangi he.

¹⁶Agu yo namoi ngbaduyo ka gbata Yekova ga aYisaraere Mbori dagba ngbatunga aYisaraere dunduko, i aye fuo aboromotumo na aRevi ku Yerusarema yo ka fu amotumo fu Yekova, nga ga abayo Mbori.

¹⁷Si du i ki ninyakasi pa ga Yuda ngbi, ki ninyakasi pa Rabama wiri Soromo nyanyaki a, garã ki du biata, bambiko i apeke fuo ga Dawidi pai na fuo ga Soromo pai garã ki du biata.

¹⁸Rabama ki di de nangia Marata wiri Yerimota, Yerimota angia wiri Dawidi, nari nangia Abayaira wiri Eriaba, Eriaba angia wiri Yisai;

¹⁹ri ki vungu akumbagude fu ko, nangia Yusa, Semaraya, na Zama.

²⁰Fuo ri ko ki di Maka wiri Abisaroma, ri ki batika Abiya fu ko, na Atai, Ziza, na Seromita.

²¹Rabama ki nikpi nyemu Maka wiri Abisaroma ki susi adiako dũ na gako adebadia, bambiko adiako adu 18 na gako adebadia wa 60, ko ki batika akumbagude 28 na adegude wa 60.

²²Rabama ki moi Abiya wiri Maka ko du ni barumbatayo ni bazogo dagba awiribako, bambiko ko abere pa maa ko ni bakindo.

²³Ko ki mangi pai ni tatamana, ki gbandaka awiriko dunduko ku rogo ringara Yuda na ga Benyamina, ku rogo abaakporo ngapa dunduko; ko ki fu aũngba fu yo kpaima, ki rogo dungu ade fu yo ni adiayo.