Read zande 2 Pekapai 27 Bible Online

2 Pekapai 27 - zande bible

2 Pekapai 27

¹Garã Yotama adu 25 ho ko atona zoga rago ni, ko ki zogo rago Yerusarema yo tipa gará 16. Rimo nako nangia Yerusa wiri Sadoka.

²Ko ki mangi gu pai naru aru bangiri Yekova a wa kina agu apai dunduko bako anamanga nangia Uziyaono ko arima nga ku rogo ga Yekova yekaru yo te. Ono aboro ki nimangi wasiwasi apai kindi.

³Ko ki dua gu ngbadimo du ku ngbi yo ti ga Yekova bambu, ko ki dudua badungu ahe gbe ku ri gu ngapa bakporo nga Ofere.

⁴Ku ri gure ko adudua abaakporo a ringara bagangara Yuda yo, ki dua nyanyaki abambu bagangara birengua yo na kirikiri agbata a.

⁵Ko aso vura kuti ga aAmono bakindo ki di be yo. AAmono ki fu ataranda feda 100 fu ko ni kina gu garã re, na zende nganu wa aritere mirioni biata na 700,000, na zendehe wa ga mapunga wa aritere mirioni biata na 700,000 a. AAmono afu gi bakere ahe re fu Yotama ni rũhe rogo ue garã na rogo biata garã a wo.

⁶Si du Yotama ki du nyanyaki, bambiko ko ambakadi gako apai ku bangiri Yekova gako Mbori.

⁷Were pa kura ga Yotama apai, na gu vura ko aso, na gako apai, mo ngére, si ni keke he rogo gu Kitabu Peka pa Abakindo aYisaraere na aYudo.

⁸Garãko adu 25 ho ko atona zoga rago ni, ko ki zogo rago Yerusarema yo tipa garã 16.

⁹Yotama ki kpi fuo atitako, i ki kpisidi ko rogo ga Dawidi bakporo; Aza ki zogo rago ku ba ko nangia wiriko.