Read zande Ezara 10 Bible Online

Ezara 10 - zande bible

Ezara 10

¹Ho Ezara akpari kpe ni, ki nikusi apai, nikpari ni aume niti ku sande barangba ga Mbori bambu, bakere rimbasa aboro ki dungura tiyo Yisaraere yo koyo du ko ni, nga akumba na ade na agude, bambiko aboro akpara ni aume gbe.

²Sekanya nangia wiri Yiere gu ko nadu sa dagba awiri Erama yo, ki karaga pai ki ya fu Ezara, “Ani ati ndika kuti gaani Mbori, ki nirogo kungba ade ni adiarani dagba aboro ringara. Ono ka si vura du wo vurũ maabangirise du ho fu aYisaraere.

³Awere ani zunga he dagba rani fu gaani Mbori, ka mbu agu adiarani dunduko re, na agu awiriyo i avungu yo, ku sangba gu rugapai yo nga ga gi gbia, na ku sangba agu yo yo naakio be sangba gaani Mbori. 1 mangi he kuti sangba rugute.

⁴Mo guari; bambiko ga sunge nga ha, ani du na mo a. Mo ngará, ki mangi he.”

⁵Ezara ki guari ki ya fu abaakumba aboromotumo, na aRevi, na aboro aYisaraere dunduko, i zunga he ya i amánga ha kuti sangba gi pai re. I ki zunga he.

⁶Ezara ki guari barangba ga Mbori bambu ki rimi ku rogo ga Yoanana bambu yo, nangia wiri Ereyasiba. Ho ko arimi ni koyo, ko ari nga riahe te ki mbiri ime a te, bambiko ko arungo mbiko gu tindika nga ga zizi aboro.

⁷I ki taki pande pai Yuda yo na Yerusarema yo fu gu zizi aboro naayega dunduko, ya i dungura tiyo ku Yerusarema yo.

⁸Gu ni ka aye nga mbata fu biata uru, ku sangba gu pai abazogo na abaakumba ape he ya, i agbu gani ahe dunduko ki kpara ni ku sa yo ti rimbasa zizi aboro.

⁹Agu akumba nga ga Yuda yo ki dungura tiyo dunduko wa sa ku Yerusarema yo na ga Benyamina yo mbata fu biata uru, ti ribua diwi ti rameru 20. Aboro dunduko asungu vurukporo yo barangba ga Mbori bambu, ki nikio akio be gi pai re, na wa mai ana a gbe.

¹⁰Ezara nangia boromotumo ki ru ku ari ki ya fu yo, “Oni ati ndika, ki rogo kungba ade ni adiaroni, ki kiisi gu ngbanga nga ga aYisaraere.

¹¹Oni kusi gaoni pai awere tie fu Yekova nga ga abaroni Mbori, ki mangi gu pai ngba ti ko. Oni kpara tironi ti aboro ringara, na ti kungba adiaroni a.”

¹²Rimbasa aboro dunduko ki karaga pai ni bakere fugo ki ya, “Rengo du; ani ka manga ha a wa gumba mo ho.

¹³Ono aboro du ni dungu yo, rago bakere mai du a, ani are ngba nga ka ru zegi rogo mai te. Sunge gi pai re anyasa nga uru sa na ue a te, bambiko ani sa mungu rogo gi pai re gbe.

¹⁴I asia gaani abazogo awere rengbe na rimbasa aboro dunduko. Agu yo dunduko du rogo gaani abaakporo naarogo kungba ade ni adiayo, i ye ti gu rago i ka ringbisa pa ha, i na agu abaakumba du rogo gayo abaakporo ni ba sa sa, na agu abasapungbanga du yo a, daho gu ngariangaria zinga nga ga gaani Mbori du tipa gi pai re, ka guari ni ti rani ku sa yo.”

¹⁵Kina aYonatana nangia wiri Asaere na Yaziya nangia wiri Tikua ati kango gi pai re, aMesurama na Sabetai nangia boro Revi ki unda yo.

¹⁶Gu zizi aboro naayega amangi he wo. I akpara Ezara nangia boromotumo, na agu abaakumba naadu ku ri angbatungayo, wa ngbatunga abayo adu, i ni ba sa sa wa rimoyo adu. I asungu ka wisiga gi pai re ti gu bambata uru nga ga bawe diwi.

¹⁷I ki nyasi pa agu akumba dunduko naarogo kungba ade ni adiayo ti gu bambata uru nga ga bambata diwi.

¹⁸I abi agu yo dagba awiri aboromotumo yo naarogo kungba ade ni adiayo a, nga Maseya, Eriezere, Yariba na Gedaria. I adu dagba awiri Yesua yo nangia wiri Yozadaka, na dagba awirinako.

¹⁹I azunga he ni tiyo ya i ambu adiayo. Wa ngbanga adu ku ri yo, i atumo ni bakandoro dagba rimbasa anya tipa gayo ngbanga.

²⁰Dagba awiri Imere; aAnani na Zebadaya ki du.

²¹Dagba awiri Arima aMaseya ki du, na Eriya, Semaya, Yiere na Uziya.

²²Dagba awiri Pasura aEreyoenai ki du, na Maseya, Yisamaere, Netanaere, Yozabada, na Erasa.

²³Dagba aRevi aYozabada ki du, na Simi, na Keraya, kura rimoko nangia Kerita, na Petaya, na Yuda na Eriezere.

²⁴Dagba abayango a Ereyasiba ki du. Dagba ababanda angbadimo aSaruma ki du, na Terema, na Uri.

²⁵Dagba ngbatunga aYisaraere a; dagba awiri Parosa aRamaya ki du na Yeziya, na Marakiya, Miamina, Erazara, Marekiya na Benaya.

²⁶Dagba awiri Erama aMatanya ki du, na Zakaraya, Yiere, Abedi, Yeremota na Eriya.

²⁷Dagba awiri Zatu aEreyoenai ki du na Ereyasiba, Matanya, Yeremota, Zabada na Aziza.

²⁸Dagba awiri Bebai a Yoanana ki du na Ananaya, Zabai na Atarai.

²⁹Dagba awiri Beni aMesurama ki du na Maruka, Adaya, Yasuba, Sera na Yeremota.

³⁰Dagba awiri Pata-moaba aAdana ki du na Keraraya, Maseya, Matanya, Bezarere, Binui na Manase.

³¹Dagba awiri Arima aEriezere ki du na Yisaya, Marikiya, Semaya, Simona,

³²Benyamina, Maruka na Semaraya.

³³Dagba awiri Asuma aMatenya ki du na Matata, Zabada, Eriferete, Yeremai, Manase na Simi.

³⁴Dagba awiri Bani aMadai ki du na Amurama, Were,

³⁵Benaya, Bedaya, Keru,

³⁶Vanaya, Meremote, Ereyasiba,

³⁷Matanya, Matenai, Yesau,

³⁸Bani, Binui, Simi,

³⁹Seremaya, Natana, Adaya,

⁴⁰Makenadebai, Sasai, Sarai,

⁴¹Azareere, Seremaya, Semaraya,

⁴²Saruma, Amaria na Yosefa.

⁴³Dagba awiri Nebo aYiere ki du na Matitaya, Zabada, Zebina, Yido, Yoere na Benaya.

⁴⁴Agi yo re dunduko narogo kungba ade ni adiayo, agu yo abatika agude na yo.