Read zande Ezara 8 Bible Online

Ezara 8 - zande bible

Ezara 8

¹Were agi yo re nangia abarumbatayo fu angbatunga abayo, na gere nangia rika ngbatunga agu yo ani aguari na yo Babera yo, ti gu zogarago nga ga Arutasasata nangia bakindo.

²Dagba awiri Finasa Gerusoma ki du. Dagba awiri Itamara Daniere ki du. Dagba awiri Dawidi Atusa ki du,

³dagba awiri Sekanya na dagba awiri Parosa Zakaraya ki du, i ki gedi kura akumba 150 fuo ko ni rika ngbatungako.

⁴Dagba awiri Pata-moaba, Ereyoenai wiri Zeraya ki du; na akumba 200 fuo ko.

⁵Dagba awiri Zatu Sekanya wiri Yazaiere ki du, na akumba 300 fuo ko.

⁶Dagba awiri Adina Ebede wiri Yonatona ki du, na akumba 50 fuo ko.

⁷Dagba awiri Erama Yesaya wiri Ataraya ki du, na akumba 7 0 fuo ko.

⁸Dagba awiri Sefataya Zebadaya wiri Mikaere ki du, na akumba 80 fuo ko.

⁹Dagba awiri Yoaba Obadaya wiri Yiere ki du, na akumba 218 fuo ko.

¹⁰Dagba awiri Bani Seromita wiri Yosifaya ki du, na akumba 160 fuo ko.

¹¹Dagba awiri Bebai Zakaraya wiri Bebai ki du, na akumba 28 fuo ko.

¹²Dagba awiri Azagada Yoanana wiri Akatana ki du na akumba 110 fuo ko.

¹³Dagba awiri Adonikama naaye kusa, arimoyo du re, Eriferete, Yuere, na Semaya, na akumba 60 fuo yo.

¹⁴Dagba awiri Biguai Utai na Zabuda ki du; na akumba 70 fuo yo.

¹⁵Mi ki dungura yo wa sa ku pavuru gu di nafu ku Ava yo. Ani ki zi bataya yo tipa uru biata. Mi ki wisigi aboro, na aboromotumo, ka mi abi nga awiri aRevi dagba yo yo wa sa ya.

¹⁶Mi ki kedi sunge tipa agu abaakumba nangia aEriezere, na Ariere, na Semaya, na Erenata, na Yariba, na Erenatana, na Natana, na Zakaraya, na Mesurama; na tipa Yeyoriba a, na Erenata, nangia airarugatinapai.

¹⁷Mi ki kedi yo koyo du Ido ni, nangia bakumba ku Kasifiya yo. Mi ki gumba agu apai fu yo i ka pe he fu Ido na awirinako nangia aNetina ku Kasifiya yo, ya i ye na abamangi sunge fu rani tipa gu bambu nga ga gaani Mbori.

¹⁸Wa be gaani Mbori adu na ani sa wenepai, i aye na boro rugatinapai sa fu rani dagba awiri Mari yo, Mari tigako angia wiri Revi, Revi ki ngia wiri Yisaraere; du rimoko nga Serebaya, na awiriko na awirinako, wa aboro 18;

¹⁹na Asabeya na Yesaya fuo ko a, naadu dagba awiri Merari, na awirinako na awiriyo, wa aboro 20,

²⁰gbiakuti agu aNetina aDawidi na abazogo afu yo i niunda aRevi na gayo sunge, i ki du wa aboro 220.1 ayambu yo ti rimoyo dunduko.

²¹Mi ataki pande pa gina riahe yo, pati gu di nga Ava, ya ani umbasi tirani bara bangiri gaani Mbori, ka gbata wene gene be ko tipa rani, na gaani rukutu agude, na gaani ahe dunduko.

²²Bambiko zee amangi re tipa sana bakindo tipa rikaavura na abanduri afarasi ka unda rani be avurarani gene, bambiko ani ata gumba pai fu bakindo niya, “Be gaani Mbori du na wenepai fu agu yo dunduko nagbata ko, ono gako ome na gako zinga du kuti agu yo nambu ko dunduko.”

²³Si du ani agina riahe ti ni ki nizungadi gaani Mbori tipa gi pai re. Ko ki idi pa gaani zungaditise.

²⁴Mi ki kpara aboromotumo 12 du ni abaakumba yo, nga Serebaya, na Asabeya, na awirinayo bawe fuo yo.

²⁵Mi ki ringbisi barõa gu feda re ku bangiriyo, na dahabu, na aũsunge, nga gu bakindo afu ni tumbatumba gamahe tipa gu bambu nga ga gaani Mbori, na gako abaakumba, na gako abazogo, na agu aYisaraere naadu ho dunduko a.

²⁶Mi aringbisi barõa feda wa ataranda 650 ku beyo, na aũsunge du ni feda wa ataranda 100, na ga dahabu wa ataranda 100,

²⁷na ainga dahabu 20, wa sekere dahabu 1,000; na aúsunge ue rogo gu sirigi nakí akĩ, kii pa ha wa kina ga dahabu.

²⁸Mi ki ya fu yo, “Oni nga kparakpara aboro ziazia fu Yekova. Aúsunge nga kparakpara he a, afeda na dahabu nga gamunihe ni nyemuhe zaza fu Yekova, nga ga abaroni Mbori.

²⁹Oni ta ngera, ki nibanda ha, daho oni ka ringbisa barõaha ni ku bangiri abaakumba aboromotumo na aRevi, kina vuru ga Yekova bambu yo du Yerusarema yo, na ku bangiri agu abaakumba nga ga angbatunga aYisaraere yo.”

³⁰Si du aboromotumo na aRevi arogo ringbisiringbisi afeda ti ni na dahabu na aúsunge, ka tinda ha ku Yerusarema yo ku rogo gu bambu nga ga gaani Mbori.

³¹Ani ki guari pati gu di nga Ava ti gu 12 uru nga ga bambata diwi, ka ndu ku Yerusarema yo. Be gaani Mbori ki du na ani, ko ki nibatasi rani be avurarani na agu yo naso dundu pangba gene.

³²Ani ki da ku Yerusarema yo ki ra ku ho biata.

³³Ti biama uru ani aringbisi barõa afeda na dahabu na aúsunge rogo ga gaani Mbori bambu ku be Meremote nangia wiri Uriya gu ko nangia boromotumo. Erazara adu na ko nangia wiri Finasa. Yozabada nangia wiri Yesua adu na yo a, na Noadaya nangia wiri Binui, i adu ni aRevi.

³⁴I ki ke pa barõaha dunduko ni gu rago re ni gedigedi he na pa ringbisa ha na baha.

³⁵Agu yo naadu ni zizi yo naaguari ki yega, i afu zozo amotumo fu ga aYisaraere Mbori, wa abaabagara 12 tipa aYisaraere dunduko, abaakandoro 96, wiri akandoro 77, abaameme 12 ni motumo ingapai. Gere dunduko adu ni zozo motumo fu Yekova.

³⁶I ki fu ga bakindo rugute fu gako abanyaki, na abaira abazogo ku mbiti di no. I ki niunda aboro na pa ga Mbori bambu a.