Read zande Nemaya 11 Bible Online

Nemaya 11 - zande bible

Nemaya 11

¹Agu abazogo naadu ku ri aboro i araka Yerusarema yo; yangara aboro ki ba ake ka sia gu ni sa dagba agu yo yo du ni ba bawe ni ka sunga Yerusarema yo nga ziazia bakporo, akura yo ni ba ribua ki sungu rogo kura abaakporo.

²Aboro afu tambuahe fu agu akumba naidi he ni nyemuhe ka sunga ku Yerusarema yo.

³Were agi abazogo ngbi re nangia agu yo naaraka ku Yerusarema yo; ono awiri aYisaraere, na aboromotumo, na aRevi, na aNetina, na atita ga Soromo amoyambu i asungu rogo abaakporo Yuda yo, gu ni kina rogo gu bakporo nga ga gani ũkumbo ni ba sa sa.

⁴Ono kura agu awiri aYudo na agu awiri Benyamina araka ku Yerusarema yo. Rimo abazogo dagba awiri aYudo du re: Ataya wiri Uziya, Uziya angia wiri Zekaraya, Zekaraya ki ngia wiri Amaria, Amaria ki ngia wiri Sefataya, Sefataya ki ngia wiri Mararere, dagba awiri Perese;

⁵na Maseya wiri Baruka, Baruka angia wiri Koroze, Koroze ki ngia wiri Azaya, Azaya ki ngia wiri Adaya, Adaya ki ngia wiri Yariba, Yariba ki ngia wiri Zekaraya, Zekaraya ki ngia wiri boro Sirona.

⁶Agu awiri Perese dunduko naraka ku Yerusarema yo i adu wa 468, nangia ngangarã akumba.

⁷Agi yd re nangia awiri Benyamina: Saru wiri Mesarama, Mesarama angia wiri Yoede, Yoede ki ngia wiri Pedaya, Pedaya ki ngia wiri Koraya, Koraya ki ngia wiri Maseya, Maseya ki ngia wiri Itiere, Itiere ki ngia wiri Yesaya.

⁸Gabai adu fuo ko, na Sarai, wa aboro 928.

⁹Yoere wiri Zikiri adu ni gayo babiapai; na Yuda wiri Asenua adu ni ue ko ku ri bakporo.

¹⁰Dagba aboromotumo: Yedaya ki du nangia wiri Yariba, na Yakina,

¹¹na Seraya nangia wiri Erekiya, Erekiya angia wiri Mesurama, Mesurama ki ngia wiri Sadoka, Sadoka ki ngia wiri Merayota, Merayota ki ngia wiri Aituba, nangia bazogo ga Mbori bambu,

¹²na agu awirinayo namangi sunge bambu, i adu wa 822; na Adaya nangia wiri Yorama, Yorama ki ngia wiri Perataya, Perataya ki ngia wiri Amosi, Amosi ki ngia wiri Zakaraya, Zakaraya ki ngia wiri Pasura, Pasura ki ngia wiri Marikiya,

¹³na awirinako naadu ku ri ga abayo aborokporo, wa aboro 242; na Amasasai nangia wiri Azarere, Azarere angia wiri Azai, Azai ki ngia wiri Mesiremota, Mesiremota ki ngia wiri I mere,

¹⁴na awirinayo nangia airanyaka ni miangará yo i adu wa 128; Zabediere nangia wiri bakere boro adu ni gayo babiapai.

¹⁵Dagba aRevi: Semaya ki du nangia wiri Asuba, Asuba angia wiri Azurikama, Azurikama ki ngia wiri Asabaya, Asabaya ki ngia wiri Buni;

¹⁶na Sabetai na Yozabaria, dagba ga aRevi abarumbatayo, nangia agu yo nabi pa sunge ga Mbori bambu zegi yo;

¹⁷na Matanya nangia wiri Mika, Mika angia wiri Zabedi, Zabedi ki ngia wiri Asafa, nangia batona pa tambuahe i ago kparakpe, na Bakabukaya, gu ko nadu ni ue ko dagba awirinako; na Abida nangia wiri Samua, Samua angia wiri Garara, Garara ki ngia wiri Yedutuna.

¹⁸ARevi dunduko adu wa 284 rogo ziazia bakporo.

¹⁹Fuo agi yo re aAkuba ki du, nangia ababanda angbadimo na Tarumona, na awirinayo nanabanda angbadimo, wa aboro 172.

²⁰Yangara aYisaraere, na agu aboromotumo na aRevi, adu rogo abaakporo Yuda yo dunduko, gu ni kina rogo gani ngbi ni ba sa sa.

²¹Ono aNetina asungu Ofere yo; aZia na Gisifa adu ku ri aNetina.

²²Gu babiapai nangia ga aRevi ko ku Yerusarema yo nangia Uzi wiri Bani, Bani angia wiri Asabaya, Asabaya ki ngia wiri Matanya, Matanya ki ngia wiri Mika, dagba awiri Asafa nangia abayango, i adu ku ri pa sunge ga Mbori bambu.

²³Bambiko ga bakindo rugute adu ho tipa yo, na ringbisiringbisi riahe tipa abayango, wa si arengbe tipa yo na uru na auru.

²⁴Petaya wiri Mesezabere, nanaunda bakindo rogo ga aboro apai dunduko, Mesezabere angia wiri Zera, Zera ki ngia wiri Yuda.

²⁵Si adu were tipa akporo, na agu aati naadu pati he, agu awiri aYudo araka ku Kiriata-araba yo na rogo agu akporo naadu pati he, na ku Dibona yo na rogo agu akporo naadu pati he, na ku Yekabesere yo na rogo agu akporo naadu pati he,

²⁶na ku Yesua yo na Morada yo, na Bete-perete yo,

²⁷na ku Asarasuara yo, na Bera-saba yo na rogo agu akporo naadu pati he,

²⁸na ku Zikeraga yo, na Mekona yo na rogo agu akporo naadu pati he,

²⁹na ku Ene-rumona yo, na Sora yo, na Yaramuta yo,

³⁰na ku Zanoa yo, na Adurama yo, na rogo agu akporo naadu pati he, na ku Rakisa yo na rogo agu aati naadu pati he, na ku Azeka yo na rogo agu akporo naadu pati he. I ki sungu Bera-saba yo ki da ti gu ngboongboorago nga Inomi.

³¹Awiri Benyamina araka tona ku Geba yo, na ku mbata yo a, na ku Mikamasa yo, na Aya yo, na Betere yo na rogo agu akporo naadu pati he,

³²na ku Anatota yo, na Nobo yo, na Anania yo,

³³na Asora yo, na Rama yo, na Gitaima yo,

³⁴na Adida yo, na Zeboima yo, na Nebaratayo,

³⁵na Rodo yo, na Ono yo, nga gu ngboongboorago nga ga abangbasia birĩ mangaahe.

³⁶Agu angbatunga aRevi nadu Yuda yo ki kpamia tiyo na aBenyamina.