Read zande Nemaya 12 Bible Online

Nemaya 12 - zande bible

Nemaya 12

¹Agi yo re nangia agu aboromotumo na aRevi naayega na Zerubabera wiri Saratiere, na Yesua: nga Seraya, na Yeremaya, na Ezara,,

²na Amaria, na Maruka, na Atusa,

³na Sekanya, na Reuma, na Meremote,

⁴na Ido, na Ginetoi, na Abiya,

⁵na Miyamina, na Madaya, na Biriga,

⁶na Semaya, na Yariba, na Yedaya,

⁷na Saru, na Amoka, na Erekiya, na Yedaya. Agi yo re nangia abarukuri aboromotumo na awirinayo ti rago Yesua.

⁸Na aRevi: Yesua, na Binui, na Kademiere, na Serebaya, na Yuda, na Matanya, nangia gu ko nanaruga pa bia tambuahe na awirinako.

⁹Bakabukaya na Uno nangia awirinayo ki mangi gayo asunge pati yo a.

¹⁰Yesua abatika Yoyakima, Yoyakima abatika Ereyasiba, Ereyasiba abatika Yoyada,

¹¹Yoyada abatika Yonatana, Yonatana abatika Yadua.

¹²Ti rago Yoyakima aboromotumo adu ho, nangia abarumbatayo ku ri ngbatunga abayo: ga Seraya, Meraya ki du; ga Yeremaya, Anania ki du;

¹³ga Ezara, Mesurama ki du; ga Amaria, Yoanana ki du;

¹⁴ga Maruki, Yonatana ki du; ga Sebaya, Yosefa ki du;

¹⁵ga Arima, Adana ki du; ga Merayota, Erekai ki du;

¹⁶ga Ido, Zakaraya ki du; ga Ginetona, Mesurama ki du;

¹⁷ga Abiya, Zikiri ki du; ga Mineyamina, na ga Modeya, Piretoi ki du;

¹⁸ga Biriga, Samua ki du; ga Semaya, Yonatana ki du;

¹⁹ga Yoyariba, Matanya ki du; ga Yariba, Uzi ki du;

²⁰ga Sarai, Karai ki du; ga Amoka, Ebere ki du;

²¹ga Erekiya, Asabaya ki du; ga Yedaya, Netanere ki du.

²²Tipa pa aRevi ti arago aEreyasiba, Yoyada, na Yoanana, na Yadua, i ake rimo abarumbatayo ku ri ngbatunga abayo; na aboromotumo a dati ga Darayawesa zogorago nangia bakindo Parasa.

²³1 ake rimo agu awiri Revi, nangia abarumbatayo ku ri ngbatunga abayo, rogo Kitabu Pekapai dati rago Yoanana nangia wiri Ereyasiba.

²⁴Abarukuri aRevi du re: Asabaya, na Serebaya, na Yesua wiri Kademiere, na awirinayo ku pati yo, ka fu irisa na atambuahe wa Dawidi nangia ga Mbori boro arugu he, agu yo ku bani na ku bani.

²⁵Matanya, na Bakabukaya, na Obadaya, na Mesurama, na Tarumona, na Akuba adu ni ababanda angbadimo niru pati bambuiga kikiipaahe naadu pati angbadimo bakporo.

²⁶I amangi he ti rago Yoyakima wiri Yesua, Yesua ki ngia wiri Yozadaka, na ti rago Nemaya nangia baira abazogo na ti rago Ezara nangia boromotumo nangia bakeapai a.

²⁷Ti rago kpara ngapa Yerusarema fu Mbori i agbata aRevi rogo gayo aba dunduko, ka ye na yo ku Yerusarema yo ka unda pa kpara ngapa ni ngbarago, na atambuahe a na abia na agu asirigi napaa apaa, na akindondo, na anzenze.

²⁸Awiri abayango adungura tiyo wa sa rogo gu kpasakpasa rago du pati Yerusarema na rogo ga aNetofa akporo;

²⁹na Bete-girigara yo, na rogo aati Geba yo na Azamaweta yo; bambiko abayango adudua gayo akporo pati Yerusarema kirikiri.

³⁰Aboromotumo na aRevi akpara tiyo gigiri; i akpara aboro ki girisi yo na angbadimo na ngapa bakporo a.

³¹Mi ki ye na abazogo aYudo ku ri ngapa bakporo, ki kparaka bakere rimbasa aboro ue i fu tambuahe ki nindu ni tangaratangara yo ti gene yo. Gu rimbasa sa andu ku kumbabe ri ngapa dati Ngbadimo Regbonya.

³²Osaya ki peke fuo yo na agu abazogo aYudo,

³³na Azaraya, na Ezara, na Mesurama,

³⁴na Yuda, na Benyamina, na Semaya, na Yeremaya,

³⁵na agi awiri aboromotumo re na ambanya be yo: Zekaraya nangia wiri Yonatana, Yonatana angia wiri Semaya, Semaya ki ngia wiri Matanya, Matanya ki ngia wiri Mikaya, Mikaya ki ngia wiri Zakura, Zakura ki ngia wiri Asafa;

³⁶na awirinako, nangia Semaya, na Azarere, na Mirarai, na Girarai, na Mai, na Netanere, na Yuda, na Anani, na agu angbatunga uworo ahe be yo nga ga Dawidi nangia ga Mbori boro; Ezara nangia bakeapai angbe ku mbata yo fu yo.

³⁷I asusi pati Ngbadimo Gugaabi ki nipeke gene nzunzu diiri ku barangba yo yo ki nidakpa ti gene tangaratangara babita nga ga ga Dawidi bakporo, yo ngapa bakporo nabita ku ari ni, ba ri ga Dawidi bambu, ki da ti Ngbadimo Ime ku uroyo.

³⁸Kura rimbasa agu yo nafu tambuahe andu ku garebe ka gbia yo, mi ki pe fuo yo na agu aboro ri ngapa, ki susi pati gu Kirikiri Gbata nga ga Agbigiwi, dati Kpakafu Ngapa bakporo,

³⁹ki susi Ngbadimo Efuraima, na pati Kuru Ngbadimo, na pati Ngbadimo Atio, na gu Kirikiri Gbata nga ga Ananere, na gu Kirikiri Gbata nga Kama Sa, dati Ngbadimo Akandoro; i ki ru zaa pati Ngbaaimo Ababandarago.

⁴⁰Agu arimbasa aboro ue nafu tambuahe i ki ru rogo ga Mbori bambu yo, mi ki ru a na agu abanyaki;

⁴¹na agu aboromotumo nangia Ereyakima, na Maseya, na Minayamina, na Mikaya, na Ereyoenai, na Zakaraya, na Ananya, na ambanya be yo;

⁴²na Maseya, na Semaya, na Erazara, na Uzi, na Yoanana, na Marikiya, na Erama, na Esere. Abayango ki bi bia ku ari na Yeseroya nangia gayo barugu pa bia.

⁴³I ki fu bakere amotumo ni gu uru re ki ningi angi, bambiko Mbori afu ngbarago fu yo ya i ngi gbe; ade na agude ki ningi a. Were i agi woro gu ngbarago nga ga aboro Yerusarema tuturu.

⁴⁴Ni gu uru re i aringbisi akumba i nibanda agu avuru bambu du rogo baiga kikiipaahe yo, na ga tumbatumba gamahe, na ga amakawa, na ga sa dagba bawe ahe, ya i dungura gu i nakparaka ha tipa aboromotumo na aRevi wa rugute aringbisa ha, wa si arengbe na agu aati naadu pati abaakporo; si du aYudo angi tipa agu aboromotumo na aRevi nanamanga sunge.

⁴⁵1 amangi pa gu sunge nga ga gayo Mbori na gu sunge nga pa girisatise, abayango na ababanda angbadimo amangi gayo sunge a, a wa Dawidi arugu pa ha na wiriko nga Soromo.

⁴⁶Bakuru yo ti rago Dawidi na Asafa ahia irisa na abia tambuahe fu Mbori adu ho, na barugu pa bia ku ri abayango.

⁴⁷Ti rago Zerubabera na ti rago Nemaya aYisaraere dunduko anakparaka ahe na uru wa rengbe he fu abayango na fu ababanda angbadimo; i ki kparaka agu ahe naadu tipa aRevi; aRevi ki kparaka agu ahe naadu tipa awiri Arona.