Read zande Nemaya 3 Bible Online

Nemaya 3 - zande bible

Nemaya 3

¹Ereyasiba nangia gbiamotumo ki guari na awirinako nangia aboromotumo i ki dua Ngbadimo Akandoro. I ki kpara ha ziazia ki mamoi akpuguruhe ti ni; i akpara ha ziazia ki da ti gu Kirikiri Gbata nga Kama Sa, ki da ti gu Kirikiri Gbata nga ga Ananere.

²Agu akumba nga ga bakporo Yereo yo ki tona ka dua ngapa pati ko. Zakura wiri Imeri ki dua ha pati yo.

³Awiri Asena adua Ngbadimo Atio; i amoi awagiroho ki mamoi akpuguruhe, ki moi aũkisaha, na akengedi ngbadimo ti ni a.

⁴Meremote abungia ha pati yo nangia wiri Uria, Uria angia wiri Akosa. Mesurama abungia ha pati yo nangia wiri Berekaya, Berekaya angia wiri Mesezabere. Sadoka nangia wiri Bana abungia ha pati yo.

⁵ATekua abungia ha pati yo; ono gayo agbia kporo afu nga tiyo tipa gu sunge nga ga gayo Gbia te.

⁶Yoyada nangia wiri Pasea na Mesurama wiri Besaduya abungia Kuru Ngbadimo; i amoi awagiroho ki mamoi akpuguruhe, ki moi aúkisaha, na akengedi ngbadimo ti ni a.

⁷Merataya nangia boro Gibona ki bungia ha pati yo na Yadana nangia boro Meronote, agu akumba nangia ga Gibona na ga Misipa yo, nara fu gu baira abazogo gu ringara naadu ku mbiti Di no.

⁸Uziere nangia wiri Araya abungia ha pati yo nangia abataki dahabu. Ananya abungia ha pati ko nadu dagba agu abangbasia manga wene fuõngua; i ki dua bete papara Yerusarema ki da ti Kpakafu Ngapa bakporo.

⁹Refaya nangia wiri Uru abungia ha pati yo, nadu ni banyaki ku ri bebere gu rago du Yerusarema yo.

¹⁰Yedaya nangia wiri Arumapa abungia ha pati yo mbembedi na pati gako bambu ku bani; Atusa nangia wiri Asabenaya abungia ha pati ko.

¹¹Marikiya nangia wiri Arima na Asuba nangia wiri Pata-moaba abungia kura papara gu Kirikiri Gbata nga ga Agbigiwi.

¹²Saruma nangia wiri Aroese abungia ha paii ko, nadu ni banyaki ku ri bebere gu rago du Yerusarema yo, i na awiriko nangia ade.

¹³Anuna na agu aboro nanaraka Zanoa yo abungia Ngbadimo Ngboongboorago; i adua ha ki mamoi akpuguruhe, na aúkisaha, na akengedi ngbadimo ti ni a, ki bungia ngapa bakporo a wa bagiza mbiribe 1,000, ki da ti Ngbadimo Guguda Regboanya.

¹⁴Marekiya nangia wiri Rekaba abungia Ngbadimo Guguda Regboanya; ko adua ha ki mamoi akpuguruhe, na aúkisaha, na akengedi ngbadimo ti ni a, Rekaba angia banyaki ku ri gu rago nga Bete-akerema.

¹⁵Saruma nangia wiri Koro-eze abungia Ngbadimo Gugaabi; Koro-eze angia banyaki ku ri gu rago nga ga Misipa, Saruma ki dua ha ki dadi ri he ki mamoi akpuguruhe, na aúkisaha, na akengedi ngbadimo ti ni a; ko ki dua ngapa Munga Siroa a du mbembedi na ga bakindo ati, ki da ti gu bazorá nazora ti ga Dawidi Bakporo.

¹⁶Nemaya nangia wiri Azabuka. Azabuka angia banyaki ku ri bebere gu rago nga Bete-sura, abungia ngapa bakporo pati ko, ki da ti agu amura nga ga ga Dawidi aborokporo, na da kuti gu munga aboro ambakadi he, na da kuti gu bambu nga ga airanyaka.

¹⁷A Revi ki bungia ngapa bakporo pati ko: i nangia Reuma wiri Bani; Asabeya nangia banyaki ku ri bebere gu rago nga Kira abungia ha pati ko, tipa gako rago.

¹⁸Awirinayo abungia ha pati ko: nangia Bavai win Enadada, Enadada nangia banyaki ku ri bebere gu rago nga Kira;

¹⁹Ezere nangia wiri Yesua, Yesua angia banyaki Misipa yo, abungia kura papara ha pati ko mbembedi na gu gene i nabita ti ni dati bambuiga auvura, yo ngapa bakporo nake ni ku bani.

²⁰Baruka nangia wiri Zabai abungia kura papara ha sirisiri pati ko tona ho ngapa bakporo nake ni ku bani ki da ti ngbadimo ga Ereyasiba bambu nangia gbiamotumo

²¹Meremote nangia wiri Uria, Uria angia wiri Akosa, Meremote abungia kura papara I in pati ko tona ti ngbadimo ga Ereyasiba bambu ki da ti digida ga Ereyasiba bambu.

²²Aboromotumo abungia ha pati ko, nangia agu akumba nangia ga Kpasakpasa i ago yo.

²³Benyamina na Asuba abungia ha pati ko mbembedi na gayo bambu. Azaraya nangia wiri Maseya abungia ha pan ko mbembedi na gako bambu, Maseya angia wiri Anania.

²⁴Binui wiri Enedada abungia kura papara ha pati ko, tona ti ga Azaraya bambu daho ngapa bakporo nake ni ku bani

²⁵na dati tukpuhe. Parara nangia wiri Uzai abungia ha yo ngapa bakporo ake ni ku bani na ti gu kirikiri gbata du ti ga bakindo bambu pati ga ababandarago vurukporo. Pedaya nangia wiri Parosa abungia ha pati ko

²⁶na agu aNetina naaraka Ofere yo ki da ti gu rago mbedi na Ngbadimo Ime ku uroyo pati gu kirikiri gbata re.

²⁷ATekua abungia kura papara ha pati ko mbembedi na gu kikii kirikiri gbata ki da ti gu ngapa bakporo nga ga Ofere.

²⁸Aboromotumo abungia ha pati gayo abambu ni ba sa sa, tona pati Ngbadimo Afarasi.

²⁹Sadoka nangia wiri Imere abungia ha pati yo, mbembedi na gako bambu. Semaya nangia wiri Sekanya abungia ha pati ko, Sekanya angia babanda Ngbadimo Uroyo.

³⁰Ananya nangia wiri Seremaya na Anuna nangia sita wiri Sarafa abungia kura papara ha pati ko. Mesurama nangia wiri Berekaya abungia ha pati ko mbembedi na gako vuru bambu.

³¹Marekiya nadu dagba abataki dahabu, abungia ha pati ko ki da ti ga aNetina bambu na ga ababagiahe, mbembedi na Ngbadimo Batiria, na da kuti gu vuru bambu du ti tukpuhe ku ari.

³²Abataki dahabu na ababagiahe abungia ha dagba vuru bambu ti tukpuhe ku ari na Ngbadimo Akandoro.