Read zande Eyobo 23 Bible Online

Eyobo 23 - zande bible

Eyobo 23

¹Eyobo ki karaga pai, ki ya:

²“Areme du gi baka bangirise wa samungu, wa mi auko, beko du ti re nyanyaki.

³Ako, ka mi niini pa ho ka mi bi ko ni, ka mi ye ku pati gako kiti!

⁴Mi akusa pa gimi apai ku bara bangiriko, ki du na dungu sakapai ngbare.

⁵Ka mi aina agu apai ko ka karaga fere, ki rugu tire na gu pai ko ka gumba ha fere.

⁶Ko adárã pai na mi kuti gako bakere ome? Oó, ono ko adéga tuko fere.

⁷Yore ruru boro ka saka pai ni na ko; si du basaringbangare ki sari ngbanga fere nye anye kindi.

⁸“Oni ngére, mi nandu ku mbata yo, ono ko yo te; na ku sa yo a, ono mi arengba nga ka bi ko te;

⁹ku garebe yo a, ho ko namanga sunge ni, ono mi arengba nga ka bi ko te; ko oko tiko ku kumbabeyo, mi arengba nga ka bi ko te.

¹⁰Ono ko ini gu gene mi andu ngba ha; ho ko ka asada re ni, mi akura wa dahabu.

¹¹Ndure ka kuti fuo ko nyanyaki; mi ka kuti gako pai, ka mi asa nga tire ti ni ku bani ya.

¹²Mi aguari nga pati gako rugute te, mi igi agu apai nakura ngbako yo ku ngbadure yo wa kikiipaahe.

¹³Ono wa adu nga satise ti ko ya, da ka sa ko? Gu pai ko akpi nyemu he, kina ha ko amanga.

¹⁴Bambiko ko anyasa kina gu pai ko aringbisi he tipa re, na gu dungu ngbatunga apai du rogo gako berá.

¹⁵Si du du mi ti ni ni fudifudi re bara bangiriko; ho berẽ mi pa ha ni, mi na bakere gunde ko.

¹⁶Mbori namanga ngbadure yo si zere; gu Ko du na tandu apai dũ fudi re;

¹⁷bambiko mi kina ku bitimo yo, nduunduu bitimo zi kpakpure.