Read zande Eyobo 26 Bible Online

Eyobo 26 - zande bible

Eyobo 26

¹Eyobo ki karaga pai, ki ya:

²“Waĩ unda mo gu boro adu nga tandu ti ni ya! waĩ songodi mo gu be adu nga ome rogo ho ya!

³Waĩ rugu mo gu ni adu nga na tatamana ya, ki taki pande pa dungu weneapai nga gu ini yo!

⁴Da gumba mo apai fu ni? ga da toro kuru rogo ro yo?

⁵Agu yo kpiki nakio na aime a na agu ahe du yo.

⁶Baatoro kpikpi aboro ku bangiri Mbori ni kina ku he, Bagbarasaahe adu nga na ũdada he auru he te.

⁷Ko nazaraga gu rago du nodiyo ku ri gu rago du ni ku he, ki niasi kpotosende gbua zanga he.

⁸Ko naka na aime ku rogo gako kpunungburu adubo yo, ka dubo nane nga tii he ya.

⁹Ko nadada kpakpu gako mbatabakindo, ki nigbaragi gako dubo ku ri he.

¹⁰Ko ringbisi rago kirikiri tipa aime, dati bangbanda imarago na bitimo.

¹¹Adangba ngbangbaturũ nakio, ki nizigba be gako zapai.

¹²Ko naza baime ni gako tandu, be gako rugatinapai ko ata iraenda.

¹³Be gako yuge angbangbaturũ du ni fongofongo ho; beko kofodi gu ba ipiipi wo.

¹⁴Mo ngére, agi apai re nga kina bete gako apai; ani nagia kina rukutu wiri apai tipa ko! Ono woro su gako tandu, da rengbe na ruga tini na ni?”