Read zande Eyobo 27 Bible Online

Eyobo 27 - zande bible

Eyobo 27

¹Si du Eyobo ki tona gumba gako pai berewe, ki ya:

²“Wa du Mbori ni ungako, nadi gu pai ru fere, gu Ko du na tandu apai du nafu nirãnirãpai fu mbisimore;

³wa du mi ni ungare na omeonga rogo re yo, na ga Mbori onga ki du õre yo;

⁴ngbare agúmba nga irairapai te, miráre apé nga pa nangahe te.

⁵Si arengba nga fere mi ya ru gaoni apai aru te; daho mi ka kpi ni mi ambú nga pa gi du ni irarengo te.

⁶Mi zadi gi rurupai nyanyaki, mi ambú nga ha si guari te; ngbadure akita nga ngbanga re tipa gu gi rame wa sa te.

⁷“Vurare dú wa kina gbegberẽ boro, na gu ni nazinga kuti re dú wa irazanga rurupai.

⁸Bambiko gini maabangirise du ti azangasinombori, ho Mbori nadia ni ni ku sa yo, ho Mbori nadia toroni ni ti ni?

⁹Mbori agía gani kpe ho fudifudipai niye ni sa ni?

¹⁰Rago angba ti ni rogo gu Ko du na tandu apai dũ? Ni akpára fu Mbori na arago dũ?

¹¹Mi ayugo pai foro tipa be Mbori; agu apai dũ be gu Ko du na tandu apai du, ka mi oko nga ha te.

¹²Oni ngére, oni ni tironi dunduko abi he, tipagine tie, oni nasa tironi dunduko ti ni wa kungba he?

¹³“Gere nga ga gbegberẽ boro he be Mbori, na ga abarungosi aboro pai, i nabi he be gu Ko du na tandu apai dũ:

¹⁴Ka awirini ange, i tipa basape, ka atitani ambi nga be riahe ya.

¹⁵Agu yo nye fuo kpi ni, i akpisida yo be tata kaza, ka gayo adekurugbo akpara nga kpe ya.

¹⁶Ka ni vura dungura feda wa kina nvutu vurũ, ki dungura aroko wa iwo pere;

¹⁷ka ni vura dungura ha ono agu yo du ni ruru yo i nikaukadi he, aboro wenesa nikakparaka feda.

¹⁸Gu bambu ni nadua ha si wa kina pio ture, wa gu basura babandarago nidua ha.

¹⁹Ni nandu ka pi wa irakumuko, ono ni amánga nga ha wo berewe te; ni niza bangirini, gani ũkumuko aima ga.

²⁰Gunde zi ni wa fufu baime, gugugu yuge tuka ni yuru ku sa yo.

²¹Yuge uroyo di ni ku sa yo, ni ho berewe te; si ya na ni rogo gu ba ni;

²²bambiko Mbori azuma he sa ni, zanga nunga; ni agba be gako ome ni kina rini yososo.

²³Aboro nata beyo ku ri ni, ki umo ni ho ni naguari ni rogo gu ba ni.”