Read zande Eyobo 35 Bible Online

Eyobo 35 - zande bible

Eyobo 35

¹Eriu ki ya berewe:

²“Mo naberã ha ya gere nga gu pai ru aru foro? Mo naya, ‘Si nga gu pai rengbe fere ku bangiri Mbori,’

³si du mo asana he ki ya, ‘Gini wenepai du rogo fere? Gini u adu fere susi gu ka mi amangi ingapai?’

⁴Mi akáraga pai foro, na fu abadiangbaro na mo a.

⁵Mo ngére nga ku ngbangbaturũ yo, ka bi nga, ka bi dubo ngbangbaturũ yo, nga gu turũ aturã ku ari yo ki susi ro.

⁶Ka mo amangi ingapai, gini pai mo namanga ha kuti ko? Ka mo angeesi gamo asamungu, gini pai mo namanga fu ko?

⁷Ka mo du ni ruru ro, gini he fu mo fu ko? watadu gini he di nga ko be ro?

⁸Ga gbegberepai rengbe fu boro wa kina ro, ga rurupai rengbe ka usa kura wiri boro.

⁹“Aboro nakpara ku ari be dungu arungosi; i nakpara tipa undahe bambiko be airaome du kuti yo.

¹⁰Ono boro sa aya nga, ‘Wari du Mbori ni nga Bamangire? te, nga gu ko nafu bi abia yuru,

¹¹nayugo pai fu rani susi anya nga ga kpotosende ra, ki nisa rani ni airatatamana susi azire ari?’

¹²Yo i nakpara ni ni wawa, ono ka ko akaraga nga pai ya, bambiko gu ruka nga ga gbigbita aboro.

¹³Ni rengo Mbori agia nga kungba kpe ruka te, gu Ko dũ na tandu apai du aberã nga pa ha a te.

¹⁴Waĩ tie ho mo naya ni mo abi nga ko te, gu ngbanga re ki du kina bara bangiriko, mo nasunguda ko!

¹⁵Ono awere, bambiko gako zinga ambusa nga aboro te, mo naya ko naberã nga pa enda ni he te;

¹⁶si du Eyobo aza ngbako ti ni ka gumba pa kungba ruka, ko nangeesa gumbapai zanga inahe.”