Read zande Atambuahe 1 Bible Online

Atambuahe 1 - zande bible

Atambuahe 1

¹Boro maku nga gu boro ata nga rogo ga gbegberẽ aboro rondo ya, aru nga ngba gene aboro ingapai ya, asunga nga dagba aboro sawia a ya;

²ono gani ngbarago du rogo gu rugute nga ga Yekova, ni namakia pa gako rugute uru na yuru.

³Ni adu wa kina gu ngua i nirũ ti ngba di, si ki nizuku ti regboho, ka kpehe auga nga ya. Gu pai ni amanga, si adu na wenepia.

⁴Gbegberẽ aboro wo te, i wa kina gu umuhe yuge naaya na ni.

⁵Si du gbegberẽ aboro ka ru nga ti ni rago sapangbanga ya, na aboro ingapai dagba rimbasa ruru aboro a ya;

⁶bambiko Yekova ini ga ruru aboro gene, ono ga gbegberẽ aboro gene ago ago.