Read zande Atambuahe 10 Bible Online

Atambuahe 10 - zande bible

Atambuahe 10

¹Ako Yekova, tipagine mo narunda ti ni tuturũ? Tipagine mo naoka tiro ti ni ti arago fudifudipai?

²Gbegberẽ aboro nado fuo rungorungo aboro ni rekangose kakaka; gu soki i aberẽ pa ha si nizí yo azia.

³Bambiko gbegberẽ boro naabia tini be gu nyemuhe du kpotoni yo, irakpihe nambu Yekova, ki gberẽ ngbani yo fu ko.

⁴Ya gbegbere boro ni gani ruka wẽ, “Ko asana nga he tipa ha te;” ya ni rogo gani aberã yo dũ, “Mbori ho te.”

⁵Gani apai nau na arago dũ; gamo asapangbanga du ari yo tuturũ gii bangirini yo; tipa agu yo nafuda ni, ni naapayasi pa yo.

⁶Ya ni ku kpotoni yo, “Mi awó nga te; ku mbata yo kindi gbigbitapai amánga nga re te.”

⁷Ngbani hi ahi be tiwahe na biriki na manga aboro gbegberẽ; tii mirãni yo du sawia ni na irairapai.

⁸Ni nasunga rogo gu gbugbu arago du dagba akporo; ni naimo ruru boro rogo okooko ba. Bangirini nangera tipa gu boro zanga undahe,

⁹ni naru nguru bire yo wa bahu rogo gau sima; ni naso dundu ka azia rungorungo boro, ni nazia rungorungo boro, ho ni agbe ni ni ku vuru gani pio yo.

¹⁰Ni nagbura, ni nanugadi, agu yo zanga undahe i ki tiwi atiwa be gani nyaka.

¹¹Ya ni ku kpotoni yo, “Bangiri Mbori go, ko naoka kpakpuko; ko abí nga ha wa sa te.”

¹²Ako Yekova, mo gúari; Ako Mbori, mo túmba bero; ka bangiro nigó nga ti rungosirungosi aboro ya.

¹³Tipagine gbegberẽ boro agbarasa rimo Mbori ti ni, ki ya ku kpotoni yo, “Mo asána nga he tipa ha te”?

¹⁴Mo nabi he; ii, bambiko mo ninabi sawia na sogote, ka dia ha du bero; gu ni zanga undahe nafu tini ku bero; mo adu ni mounda awirinyaure.

¹⁵Mo kíti be gbegberẽ boro; na bamangi gbigbitapai; mo nigbáta gani gbegberẽpai daho mo ka abi nga kura ha ni ya.

¹⁶Yekova nga bakindo nye anye kindi; arikaaboro akpíka rogo gako ringara.

¹⁷Ako Yekova, mo agía pa gu he rungorungo aboro nakpi nyemu he; mo anyákasa kpotoyo yo, mo adega turo ka gia ha

¹⁸tipa sara ngbanga fu awirinyaure na agu yo i amanga yo, ya ka boro kpotosende du nga ni baiiriwo ni berewe ya.