Read zande Atambuahe 101 Bible Online

Atambuahe 101 - zande bible

Atambuahe 101

¹Mi abí bia pa weneringise na pa ruru sarangbanga; Ako Yekova, mi abi bia foro.

²Mi abérã pa tatamana ngba nzunzu gene. Ako, mo ayé kono du mi ni ni gini rago? Mi atá vuru gi bambu yo na ziazia pai ku kpotore yo;

³Mi amáa nga gbegberẽ he ku bara bangire wa sa te. Mi nasoga gu mangapai nga ga agu yo nati ku sa yo; si azía nga re te.

⁴Nyaka ngbaduse yo agúari ti re tuturu; mi aída nga ka ina pa gbigbitapai wa sa te.

⁵Gu ni nawi ngba kurani ni gbuko, mi agbárasa ni. Mi aida nga na gu ni nangera na ruka na enda ku kpotoni yo te.

⁶Mi amáa bangire ti agu aboro du yososo rogo ringara, ani nisungu na yo; gu ni nata ngba nzunzu gene, ni nikamanga pa re.

⁷Gu ni namanga pa biriki ni asúnga nga vuru gi bambu yo te; gu ni nagumba zire ni anyé nga ku bara bangire te.

⁸Mi agbárasa gbegberẽ aboro ringara yo na wiso na awiso, ka gbandaka amangi irairapai dunduko rogo ga Yekova bakporo.