Read zande Atambuahe 108 Bible Online

Atambuahe 108 - zande bible

Atambuahe 108

¹Ako Mbori, kpotore yo ru nyanyaki, kpotore yo ru nyanyaki! Mi abí bia, ii, mi abí abia tambuahe! Ako mbisimore, mo zíngi rame yo!

²Ako akindondo, oni zíngi na nzenze! Mi azínga ngbatutu a tigimi!

³Ako Yekova, mi afú atambuahe foro dagba aboro, mi abí abia tambuahe foro dagba arikaaboro.

⁴Bambiko ga weneringise kii ku ri angbangbaturũ, ga rengo ki da ku rogo mai angbangbaturũ yo.

⁵Ako Mbori, i kíisi pa ro ku ri angbangbaturũ! ga taarimo dú adu ku ri kpotosende dunduko!

⁶Agu yo bati du nyemu yo ti ro, mo fú undahe fere ni kumbabero, ki karaga pai fere!

⁷Mbori agumba pai rogo gako kparakpara ziazia pai: “Mi akpára Sekeme ki ningi angi gbe, ki niringbisi pa Ngboongboorago Sukota.

⁸Girada nga gimi; Manase nga gimi a; Efuraima nga gi kpakpari vura; Yuda nga gi barugupai.

⁹Moaba nga gi pere zundati; mi aba gi rakata fu Edome; mi ata ngbare na diasima ku ri Feresete.”

¹⁰Da nikagasa re ku rogo nyanyaki gbata? Da nikangbe ku mbata yo fere ku Edome yo?

¹¹Ako Mbori, atika mo aima ba rani ku sa yo? Ako Mbori, mo nakura nga na gaani arimbasa vura a te.

¹²Ako, mo fú undahe fu rani kuti irafudifudipai, bambiko ga boro undahe si gbua!

¹³Ani amánga pai ni ngarã wa du Mbori na ani; bambiko ko nga gu ko nikasimba agu yo nafuda rani ku sande.