Read zande Atambuahe 11 Bible Online

Atambuahe 11 - zande bible

Atambuahe 11

¹Mi nafu tire ku be Yekova; oni niwiri pa ya waĩ fu mbisimore, “Si gu wa zire ku ri gaha bagangara yo;

²were, mo bí, gbegberẽ aboro ninadarã mboto, i moi gayo siida ti girihe, ka no agu yo ku rogo bitimo du kpotoyo yo ni ruru he;

³ka i gbarasi amburu ahe, ruru aboro amanga waĩ”?

⁴Yekova du rogo gako kparakpara ziazia yekaru, ga Yekova mbatabakindo du ngbangbaturũ yo; bangiriko ninabi ahe; puku bangiriko ninawisiga wiri aboro.

⁵Yekova ninawisiga ruru boro na gbegberẽ boro, ono mbisimoko nasoga airazuu.

⁶Ko aúka kingiriwe wa mai ku ri gbegberẽ aboro na mbia we; na fafoi bayuge nikadu ni gu pai dũ fu yo.

⁷Bambiko Yekova du ni ruru ko; ko nakpi nyemu kina ruru mangaapai; ruru boro abí kpakpuko abi.