Read zande Atambuahe 111 Bible Online

Atambuahe 111 - zande bible

Atambuahe 111

¹Oni támbua Yekova. Mi afú atambuahe fu Yekova na kpotore yo dunduko, dagba agu aboro rondo nga ga ruru yo, na dagba rimbasa agu aboro a.

²Ga Yekova mangaapai du ni bahe, agu yo du nyemu he ti yo, i dunduko nagbata ha.

³Gako sunge du na irisa ti ni na taarimo, gako rurupai nye anye kindi.

⁴Ko aya gako iiriwo mangaapai du ni tingiditingioi pa ha; Yekova du na inapai ki hi ahi be nunga aboro a.

⁵Ko nafu riahe fu agu yo nagunde ti ko; ko natingida pa gako zungahe kindi.

⁶Ko ayugu pa tandu gako mangaapai fu gako aboro, nifu ringara fu yo dagba arikaaboro.

⁷Gu mangaapai nga ga beko, si nga rengo na ruru sapangbanga a; gako andika ka i akida kuti ni,

⁸si nadu ku baha nye anye kindi, i amanga ha rogo rengo na rurupai.

⁹Ko akedi tumori fu gako aboro; ko arugu pa gako zungahe nye anye kindi. Kparakpara ziazia he nga rimoko rengbe aboro na gunde ti ni!

¹⁰Gunde ti Yekova nga tonatona tatamana; agu yo namanga ha du na wene rugatinapai ti yo. Tambua ko nye anye kindi!