Read zande Atambuahe 112 Bible Online

Atambuahe 112 - zande bible

Atambuahe 112

¹Oni támbua Yekova. Boro maku nga gu ni nagunde ti Yekova, ngba sangbako angba ti ni gbe!

²Ngbatungani adú ni airanyaka rogo zegino; i afú maku fu rika ngbatunga ruru aboro.

³Wenepia du kpuni yo na ũkumuko; gani rurupai nye anye kindi.

⁴Imarago nakura bitimo yo tipa ruru aboro; i du na inapai, ki hi ahi be nunga aboro, ni ruru yo a.

⁵Si ni wenepai fu gu boro nayugo inapai ki niunda pai, naruga gani apai ni ruru sarangbanga.

⁶Ruru boro awó nga wa sa te; i atíngida pa ni nye anye kindi.

⁷Ni agunde nga be gbigbita pangbanga te; kpotoni yo du nyanyaki, nikida kuti Yekova.

⁸Kpotoni yo du ni nyakasinyakasi he, ni agúnde nga te, daho ni ka bi gu pai ni ni akpi nyemu he kuti agu yo nafuda ni.

⁹Ni agagamu ahe, ni afuku ahe fu airazingoahe; gani rurupai nye anye kindi. I nakiisa pa gani ome na irisa.

¹⁰Gbegberẽ boro abi he, si ki rungosi ni; ni ari ngba rindini, ki zirĩ ku sa yo; gu nyemuhe nga ga gbigbita boro si ago ago.