Read zande Atambuahe 114 Bible Online

Atambuahe 114 - zande bible

Atambuahe 114

¹Ho aYisaraere aguari ni Ezipeta yo, nga ngbatunga Yakoba dagba agu aboro du fugoyo akia;

²Yuda adu ni ga Yekova kparakpara ziazia ba, Yisaraere ki du ni gako zogo.

³Baime abi he, ki oro, i anigara Yaradene ku sa yo.

⁴Abaagangara aguku wa abaakandoro, rukutu agangara wa paranga akandoro.

⁵Ako baime, gini pai namanga ro, mo aora ti ni? Ako Yaradene, mo akaraga tiro ti ni?

⁶Ako abaagangara, oni aguka ti ni wa abaakandoro? Ako oni rukutu agangara, wa paranga akandoro?

⁷Ako kpotosende, mo kío ku bara bangiri Yekova, ku bara bangiri ga Yakoba Mbori;

⁸nasa mbia ni munga ime, na mbia we ni gugaabi ime.