Read zande Atambuahe 115 Bible Online

Atambuahe 115 - zande bible

Atambuahe 115

¹Ako Yekova, fu rani te, fu rani te, ono mo fú taarimo fu rimoro, bambiko ga weneringise, na ga rengo a!

²Tipagine arikaaboro ka aya ti ni, “Wari du gayo Mbori ni?”

³Ono gaani Mbori du angbangbaturũ yo; ko namanga kina agu apai dunduko ngba ti ko.

⁴Gayo kpiaahe nga feda na dahabu, nga ũsabe aboro.

⁵Ngbaha ti ni, ono si naafura nga te; abangirise ti ni, ono si naabi nga he te;

⁶atue ti ni, ono si naagia nga pai na ni te; õse ti ni, ono si naagia nga fuõ he te;

⁷abehe ti ni, ono si naazada nga he te; anduhe ti ni, ono si naata nga te; si naafura nga gorõho yo a te.

⁸Agu yo namanga ha i du wa kina ha a; na agu yo dunduko nakida kuti ni a.

⁹Ako aYisaraere, oni kída kuti Yekova! Ko nga gayo mounda nga gayo vurakube.

¹⁰Ako ngbatunga Arona, oni kída kuti Yekova! Ko nga gayo mounda nga gayo vurakube.

¹¹Agu roni nagunde ti Yekova, oni kída kuti Yekova! Ko nga gayo mounda nga gayo vurakube.

¹²Yekova amakia pa rani; ko afú maku fu rani; ko afú maku fu ngbatunga aYisaraere; ko afu maku fu ngbatunga Arona;

¹³Ko afú maku fu agu yo nagunde ti Yekova, umba pa yo na kikindigi pa yo a.

¹⁴Yekova nizúgasi roni, oni na awironi!

¹⁵Oni dú ni ga Yekova aboro maku, nga gu ko nafu ngbangbaturũ na kpotosende!

¹⁶Angbangbaturũ nga ga Yekova angbangbaturũ, ono kpotosende ko afu fu awiri aboro.

¹⁷Kangba aboro naatambua nga Yekova na agu yo nazorã ku baonga yo a te.

¹⁸Ono ani asámbua Yekova ti gi rago re a nye anye kindi. Oni támbua Yekova!