Read zande Atambuahe 12 Bible Online

Atambuahe 12 - zande bible

Atambuahe 12

¹Ako Yekova, mo bátasi rani; bambiko ga Mbori aboro digi; bambiko yososo aidipase nyasi dagba wiri aboro.

²I nagumba pa wia dagba yo, gu ni fu kura ni; i nagumba pai ni zomia he auru ngbayo, kpotoyo yo ki du ni ba ue.

³Yekova yépe kpotongba airazomiahe dunduko, na gu mirãse nagumba menemene apai,

⁴nga agu yo naya, “Ani adía be apai ni kina mirãrani, ngbarani nga gaani; da du ni bazogo ku ri rani?”

⁵Ya Yekova, “Mi agúari awere, bambiko pa gbu ga rungorungo aboro ahe, na gu uko nga ga airazingo ahe; mi amáa gu ni ku rogo ba bata i naapayasi pa ni.”

⁶Gu gumbapai nga ga Yekova nga ziazia apai; wa kina gu feda i afurũsi he rogo gbigiwi yo auru sende, ki furũsi he bara saba.

⁷Ako Yekova, mo ká kuti rani, mo bánda rani be gi rika ngbatunga aboro re nye anye kindi.

⁸Gbegberẽ aboro ninata rogo arago dũ, wa du gbegberẽpai ni kiisikiisi he dagba awiri aboro.