Read zande Atambuahe 121 Bible Online

Atambuahe 121 - zande bible

Atambuahe 121

¹Mi natumba bangire koyo du abaagangara ni. Wari gi undahe ka aye ni fere?

²Gi undahe naye be Yekova, nga gu ko nafu ngbangbaturũ na kpotosende.

³Ko aida nga fu nduro si zerenge te, gu ko nabanda ro ko ayukura nga wa sa te.

⁴Oni ngére, gu ko nabanda Yisaraere ko ayúkura nga watadu ra a te.

⁵Yekova nga babandaro, Yekova nga ga nzereme ku ri kumbabero.

⁶Uru amánga nga ro uru te, na diwi yuru a te.

⁷Yekova abánda ro be gbigbitapai du; ko abánda mbisimoro a.

⁸Yekova abánda ga kura ku zegi yo na ga rima ku dimo yo a, tona ti gi rago re ku mbata yo a nye anye kindi.