Read zande Atambuahe 124 Bible Online

Atambuahe 124 - zande bible

Atambuahe 124

¹AYisaraere gúmba nga ha awere Ka Yekova adu nga na ani ya,

²ka Yekova adu nga na ani ya, ho aboro amo ni kuti rani,

³ka i ambiri rani ni kina ungarani, ho gayo zinga arungudi ni kuti rani;

⁴ka aime afu na ani, fufu aime afu ku ri mbisimorani;

⁵ka sungburasungbura aime afu ri mbisimorani a.

⁶Yekova dú ni sambuasambua ko, nga gu ko nafu nga rani wa ũmozi ku ngba rindiyo ya!

⁷Mbisimorani abati wa zire abati be ga abaimiru gbina; gbina akafu, ani ki bati!

⁸Gaani undahe du ti rimo Yekova, nga gu ko nafu ngbangbaturũ na kpotosende.