Read zande Atambuahe 129 Bible Online

Atambuahe 129 - zande bible

Atambuahe 129

¹Yisaraere gúmba nga ha awere “I atona fuda re ho mi adu ni ni parangare daku awere.

²I atona fuda re ho mi adu ni ni parangare daku awere, ono i ata dia nga be re te.

³Asopo bino asapo kina giire yo; i ade gayo adue yo ni gbanga ha.”

⁴Yekova du ni ruru ko; ko akafu ga gbegberẽ aboro agire.

⁵Ako ka zee mángi agu yo nasoga Siona, i káraga yo ku sa yo a!

⁶I dú wa gu nvuo kuru ri bambu yo nga gu niugu mbata fu sona ha ku ari,

⁷nga gu bakehe nahisa nga beni na ni ya, gu ni navoda he ni atinda nga ha a te.

⁸Agu yo nasusa i aya nga “Ga Yekova maku du ku ri roni! Ani fu maku fu roni ti rimo Yekova!” a te.