Read zande Atambuahe 136 Bible Online

Atambuahe 136 - zande bible

Atambuahe 136

¹Ako oni fú atambuahe fu Yekova, bambiko ko ni wene ko, bambiko gako weneringise nye anye kindi.

²Ako oni fú atambuahe fu Mbori du ku ri ambori dũ, bambiko gako weneringise nye anye kindi.

³Ako oni fú atambuahe fu Gbia du ku ri agbia du, bambiko gako weneringise nye anye kindi;

⁴fu kina gu ko sa namanga bakere iiriwoapai, bambiko gako weneringise nye anye kindi;

⁵fu gu ko nafu ngbangbaturũ be rugatinapai, bambiko gako weneringise nye anye kindi;

⁶fu gu ko nagba agi kpotosende ri aime, bambiko gako weneringise nye anye kindi;

⁷fu gu ko nafu nakere baimaahe, bambiko gako weneringise nye anye kindi;

⁸uru nizogo raro uru, bambiko gako weneringise nye anye kindi;

⁹diwi na akerekuru nizogo rago yuru, bambiko ga weneringise nye anye kindi;

¹⁰fu gu ko naimi bambata avungu Ezipeta yo, bambiko gako weneringise nye anye kindi;

¹¹ki kusi aYisaraere dagba yo yo, bambiko gako weneringise nye anye kindi;

¹²ni nyanyaki beko ni taĩtaĩ beko, bambiko gako weneringise nye anye kindi;

¹³fu gu ko nakparaka dagba Zamba Baime kpa, bambiko gako weneringise nye anye kindi;

¹⁴ki ndu na aYisaraere i susi bebere he yo, bambiko gako weneringise nye anye kindi;

¹⁵ono ko abafu aFaro ku Zamba Baime yo na gako rikavura, bambiko gako weneringise nye anye kindi;

¹⁶fu gu ko nangbe ku mbata yo fu gako aboro ngbakungba yo, bambiko gako weneringise nye anye kindi;

¹⁷fu gu ko naaimi bakindigi abakindo, bambiko gako weneringise nye anye kindi;

¹⁸ki imi agu abakindo rimoyo awo awo, bambiko gako weneringise nye anye kindi;

¹⁹Siona nangia bakindo aAmoro, bambiko gako weneringise nye anye kindi;

²⁰na Ogo nangia bakindo Basana, bambiko gako weneringise nye anye kindi;

²¹ki fu gayo ringara ni ũkumbo, bambiko gako weneringise nye anye kindi;

²²ni ukumbo fu aYisaraere nga avuruko, bambiko gako weneringise nye anye kindi.

²³Ko nga gu ko naatingidi pa rani ti rago gaani dungbaapai, bambiko gako weneringise nye anye kindi;

²⁴ki batasi rani be agu yo naafudi rani, bambiko gako weneringise nye anye kindi;

²⁵ko nafu riahe fu aboro dunduko, bambiko gako weneringise nye anye kindi.

²⁶Ako, oni fú atambuahe fu Mbori ngbangbaturũ, bambiko gako weneringise nye anye kindi.