Read zande Atambuahe 137 Bible Online

Atambuahe 137 - zande bible

Atambuahe 137

¹Pavuru adi Babera yo, yo ani asungu ni sande ki nikpari ni aume, ho ani atingidi pa Siona ni.

²Ani aasi gaani akundi ti agu angua nga sarizi.

³Bambiko yo abazirani asana rani ni tipa abia, abarungosirani ki ta sana rani tipa ngbarago, niya, “Oni bí bia sa fu rani nga ga Siona!”

⁴Ani awira pa bi ga Yekova bia waĩ rogo kungba ringara?

⁵Ako Yerusarema, ka pa ro go ti re, kumbabere ki zanga tatamana.

⁶Mirãre nizí tihe ku ngbare yo, ka mi atíngida nga pa ro ya, ka mi amáa nga pa Yerusarema ku ri gi bangbarago dunduko ya.

⁷Ako Yekova, mo tíngidi pa Yerusarema kuti awiri Edome, nga agu yo naya, “Mo gbárasi he, mo gbárasi he! Da kina ku mburu he yo!”

⁸Ako aboro Babera, oni gu i nagbarasi roni! Rago angbá ti gu boro ka afu mosoro fu roni a wo oni naamanga fu rani!

⁹Rago angbá ti gu boro ka aroga gaoni agude ki bafu yo kuti mbia!