Read zande Atambuahe 138 Bible Online

Atambuahe 138 - zande bible

Atambuahe 138

¹Ako Yekova, mi afú atambuahe foro na kpotore yo dunduko; barangba ambori mi abí bia tambuahe foro;

²mi nairisa ro ningere koyo du ga kparakpara ziazia yekaru ni, ki fu atambuahe fu rimoro tipa ga weneringise na ga rengo; bambiko mo akiisi pa ga gumbapai ku ri rimoro dũ.

³Ni gu rago mi akpari foro, mo akaraga pai fere, mo anyakasi re na ome ku rogo mbisimore.

⁴Ako Yekova, abakindo zegino dunduko afu atambuahe foro, bambiko wa i agi agu apai naakura ngbaro;

⁵i abí bia tipa ga Yekova apai, bambiko ga Yekova taarimo nga bahe.

⁶Bambiko ka Yekova vura du ni tumbatumba ko vurũ, ko naaida pa payapaya aboro; ono ko naaina ga airaenda pai tuturu.

⁷Ka mi vura nita rogo fudifudipai, mo aungasi re; mo nataã bero kuti ga avurare zinga, kumbabero nabatasa re.

⁸Yekova adígisa pa gu pai dũ tipa re ziazia; Ako Yekova, ga weneringise nye anye kindi. Ka mo nimbú nga gu mangaapai nga ga boro bero ya.