Read zande Atambuahe 14 Bible Online

Atambuahe 14 - zande bible

Atambuahe 14

¹Ya iramungo ku kpotoni yo, “Mbori ho te.” Ringiyo gberẽ, i mangi kere gbegberẽ mangaapai susi; a nga gu ni sa namanga wenepai te.

²Yekova nangera ngbangbaturũ yo ku sende no ku ri wiri aboro, ka bi he si ngia agu yo ho namanga pai ni tatamana, ki nigbata Mbori.

³I karaga tiyo dunduko ku sa yo; i mongo gberẽ; a nga boro sa namanga wenepai te, oó, wa kina sa te.

⁴Amangi irairapai dunduko ini nga yo pai te? nga agu yo nari gimi aboro wa i narita riahe, ka i akpara nga fu Yekova ya.

⁵Yo i akadu ni na bakere gunde, bambiko Mbori du rogo gu rika ngbatunga nga ga ruru aboro.

⁶Oni aidi ka ba zee ku ri ga rungorungo boro aberã, ono Yekova nga gani bagbuko.

⁷Ako, ka gu bata yé tipa aYisaraere Siona yo! Ho Yekova ka karaga ga gako aboro ahe ni gene zia ha yo, Yakoba adú pusiapusia, Yisaraere ki ningi.