Read zande Atambuahe 141 Bible Online

Atambuahe 141 - zande bible

Atambuahe 141

¹Ako Yekova, mi nakpara foro; mo ípisi tiro kono du mi ni! Mo yé turo sa fugore, ho mi nakpara ni foro!

²Mo ídi he gi kpetambuahe dú wa wene fuõngua bara bangiro, tumba abere ku ari ki du wa gu motumo nga ga nyemu!

³Ako Yekova, mo kpária pa ngbare, mo bánda ngbadimo ngbare!

⁴Ka mo nidúaga nga kpotore yo sa gbigbita pai wa sa ya, ya mi mangi gbegberẽ mangaapai wa sa na agu aboro namanga irairaapai; ka mi nirí nga gáyo bawene riahe a ya!

⁵Ruru boro ta re si adú ni wenepai fere, ni rúgu re, ono si adú wa nzeme ku rire yo; ka rire ka nga ha ya, bambiko rago gayo gbigbitapai gi kpetambuahe adu ho kindi.

⁶I abafu gayo abasapungbanga kuti mbia; i agía gimi apai; bambiko si adu nonono.

⁷Memerani agbándaka yasika ngbadimo Baatoro kpikpi aboro yo, a wa gu boro nade sende ni bukia ha.

⁸Ako Mbori nga Yekova, ono bangire du koyo du mo ni, mi fu tire ku be ro; ka mo nimbú nga mbisimore gbua ya!

⁹Mo bánda re be gu gbina re yo ho tipa re, be agu angindi nga ga amangi irairapai!

¹⁰Mo ídi he gbegberẽ aboro tiwi wa sa ku rogo gayo apio, mi ki bati tigimi.