Read zande Atambuahe 142 Bible Online

Atambuahe 142 - zande bible

Atambuahe 142

¹Mi nakpara ku ari ni fugore fu Yekova, ki nizungadi pa inapai ni fugore be Yekova,

²mi naukaga gi baka bangirise bara bangiriko, mi nayugo pa gi fudifudipai fu ko.

³Ho he namaka torore ni mo ini gi pai! Ngba gu gene mi naata ni i re gbina ni gbuko tipa re.

⁴Mi ngere ku kumbabe, ki bi nga ha, bambiko boro ho sa berẽ pa re te; bagbuko akpa be re, a nga boro ho sa naberã pa re te.

⁵Ako Yekova, mi nakpara foro; mi naya, Mo nga gi bagbuko, nga gi ũkumuko rogo ringara unga aboro.

⁶Mo dége turo sa gi yambahe; bambiko i umbasi pa re gbe! Mo bátasi re be abarungosire; bambiko i nyaki ki susi re!

⁷Mo kúsi mbisimore bambukisa yo, ya mi fu atambuahe ti rimoro! Ruru aboro aké pati re kirikiri; bambiko mo amánga pa re wenengaĩ gbe.