Read zande Atambuahe 146 Bible Online

Atambuahe 146 - zande bible

Atambuahe 146

¹Oni támbua Yekova! Ako mbisimore, mo támbua Yekova!

²Wa du mi ni ungare mi atámbua Yekova; mi abí bia atambuahe fu gi Mbori a wa du mi ni ungare.

³Ka oni nikída nga kuti abarumbatayo ya, kuti wiri boro, nga gu ni adu nga na undahe be ni a ya.

⁴Ho ongani niguari ni, ni ki karaga tini ku rogo gani sende; ti kina gu uru re gani berã pa apai ki nyasi.

⁵Rago nangba ti gu ni du na ga Yakoba Mbori ni gani mounda, nga gu ni namaa bangirini koyo du Yekova ni, nga gani Mbori,

⁶nafu ngbangbaturũ na kpotosende, baime na agu ahe du rogo ho dunduko; naka kuti gako pai yososo kindi;

⁷nga gu ko nasapa ruru sarangbanga fu agu yo i namanga yo; nafu riahe fu aboro gomoro. Yekova nakusa kisikisi aboro;

⁸Yekova naza bangiri airavurari. Yekova natumba agu yo ku ari nanugadi; Yekova nakpi nyemu ruru aboro.

⁹Yekova nabanda kungba aboro, ko ninamanga pa awirinyaure na adekurugbo; ono ko ninairasi gu pai nga ga gbegberẽ aboro.

¹⁰Yekova azóga rago nye anye kindi, Ako Siona, ga Mbori, fu arika ngbatunga aboro dunduko. Oni támbua Yekova!