Read zande Atambuahe 147 Bible Online

Atambuahe 147 - zande bible

Atambuahe 147

¹Oni támbua Yekova! Bambiko si ni wenepai ka bi bia atambuahe fu gaani Mbori; bambiko si nga wenepai, bia tambuahe nga betedi he.

²Yekova nadua Yerusarema; ko nadungura zizi aYisaraere.

³Ko nahusa agu yo du na rungo kpotoyo yo, ki vodi gayo aoro a.

⁴Ko nageda akerekuru, ki niyambu rimo kuti ra dunduko.

⁵Gaani Gbia nga bahe, du na tandu kpaima; gako rugatinapai ni basukasuka ha.

⁶Yekova natumba bayee aboro ku ari, ko namefa gbegberẽ aboro ku sande.

⁷Oni bí bia fu Yekova ni tambuahe; oni bí dodoroma bia tambuahe fu gaani Mbori na nzenze!

⁸Ko nadada angbangbaturũ na mai, ko namanga nvuo si nikuru ri abaagangara.

⁹Ko nafu ga anya riahe fu ra, na ga paranga akoya ninakpara.

¹⁰Rago naangba nga ti ko be gu ngarã nga ga farasi te, rago naangba nga ti ko be ndu boro te;

¹¹ono rago nangba ti Yekova kina be agu yo nagunde ti ko, nga agu yo namaa bangiriyo kuti gako weneringise.

¹²Ako Yerusarema, mo táasi rimo Yekova! Ako Siona, mo támbua ga Mbori!

¹³Bambiko ko nanyakasa angbongbo susu gaoni akpuguru; ko nafu maku fu agu awironi nadu rogo roni yo;

¹⁴Ko nafu zereda kuti gaoni ababandarago; ko ninambisa roni na fufurũ zende ahe.

¹⁵Ko nakeda sangbako ku auru kpotosende; gako pai naora ni ipo.

¹⁶Ko nafu kputakputa mai wa pusi mange akandoro; ko nagbandaka gako dododo kputakputa ndomo wa akuke.

¹⁷Ko nabafa gako zerarago wa wirikowiriko ahe; da rengbe ka ru ti rago gako zerarago?

¹⁸Ko nakeda gako pai ki nizaragasi he; ko ki nikedi yuge si niya, aime ki nifuku.

¹⁹Ko nayugo gako pai fu Yakoba, na gako rugaapai na gako asarangbanga fu Yisaraere a.

²⁰Ko ata manga nga wo mbata fu gu kura rikaaboro te; i aina nga pa gako asarangbanga te. Oni támbua Yekova.