Read zande Atambuahe 15 Bible Online

Atambuahe 15 - zande bible

Atambuahe 15

¹Ako Yekova, da ka sungu rogo ga bamburoko? Da ka anye ri ga kparakpara ziazia bagangara?

²Gu ni nata nzunzu, ki nimangi rurupai, ki nigumba rengo kpotoni yo;

³nga gu ni agbarasa nga rimo boro ya, amanga nga kurani gbigbita ya, agumba nga gbigbitapai kuti rimo kurani a ya;

⁴nga gu ni napayasi bamangi gbegberẽpai ni bangirini; ono ni naairisa agu yo nagunde ti Yekova; nga gu ni nazunga he ka si vura mbusa ni, ni asa nga ha te;

⁵nga gu ni aunda nga gani marã tipa kiisa ha na gu du ku ri he ya, adia nga marã mabirimo be ruru boro a ya. Gu ni namanga agi apai re i awó nga ti ni wa sa te.