Read zande Atambuahe 16 Bible Online

Atambuahe 16 - zande bible

Atambuahe 16

¹Ako Mbori, mo bánda re, bambiko mi fu tire ku be ro.

²Ya mi fu Yekova, “Mo nga gi Gbia; wenepai adu nga fere susi ro te.”

³Tipa gu ziazia aboro du auru kpotosende, i nga agu yo ngba angba, rago angba ti re mbiko yo.

⁴Rungo ange fu agu yo nasia kura mbori; gayo amotumo nga kure mi aúka nga ha te, mi adía nga rimoyo ku ngbare a te.

⁵Yekova sia mi ko ni gi siasia he na gi inga; mo nabanda gu he nga gimi.

⁶I ringbisi apai fere rogo wene arago; ii, mi du na wene ũkumbo be re.

⁷Mi sambua Yekova nayugo pa apai fere; kpotore yo naruga re na yuru.

⁸Mi namaa Yekova ku mbata yo a fere dedede; bambiko ko du ku kumbabere, mi awõ nga te.

⁹Si du kpotore yo nangi ti ni, mbisimore ki du pusiapusia; borore ki niraki zezeredi.

¹⁰Bambiko mo ambu nga mbisimore ku Baatoro kpikpi aboro yo te, mo afu nga ga ziazia ko, ko bi zirã a te.

¹¹Mo nayugo gene unga fere; ngbarago du bara bangiro rengbe, rogo kumbabero du aũngbarago ni nye anye kindi.