Read zande Atambuahe 19 Bible Online

Atambuahe 19 - zande bible

Atambuahe 19

¹Angbangbaturũ ninataka pande gu taarimo nga ga Mbori; ari yo ninayugo pa sabeko.

²Uru ninagumba pai na uru, yuru ninayugo inahe na yuru.

³A nga fura boro ho na pa aboro te; i agia nga fugoyo a te;

⁴ono woro agu ahe re nandu auru kpotosende dunduko, na gaha apai ku digida zegino yo. Ko amoi bamburoko rogo ho tipa uru,

⁵naye wa kumba ku de nakura tii gako bambu yo, ningi angi wa nyanyaki kumba naora gani oto.

⁶Gaha nduge natona ti digida angbangbaturũ, ki ndu kirikiri ki da ku digidaha yo; a nga he sa du ni okooko ho be faaha te.

⁷Gu rugute nga ga Yekova si ziazia,, nimbakadi mbisimo; gu dezirepai nga ga Ygkova du ni nyanyaki he, ki nisa azangainahe i du ni airatatamana;

⁸gu ndika nga ga Yekova du ni ruru he, ningiisi kpotoyo yo; sangba Yekova du ziazia, ni hasi bangirise;

⁹gunde ti Yekova du gigiri, ki nye anye kindi; agu asarangbanga nga ga Yekova nga ndikidi he, ki du ni ruru he dunduko.

¹⁰Ka i kpi nyemu he susi dahabu, ii, susi ndikidi dahabu; si nzinziri susi nzeme anyege na pepere anyege.

¹¹Ku ri gure, ga moyambu du ni rugurugu ni be he; bakere mosoro du tipa ka kuti ni.

¹²Da ka ini pa gani ingaapai? Mo dí pai ri re tipa okooko ingaapai.

¹³Mo ká na ga moyambu tipa manga gu ingaapai nga ga enda; ka mo ídi nga si zogo re ya! Si du mi azánga pai ku ri re, ki zanga pa kere samungu.

¹⁴Mo niídi he ya agu apai du ngbare na gu makia pai dũ ku kpotore yo si ngba bangiro, Ako Yekova, gi mbia, nga gu ko natumo re.