Read zande Atambuahe 2 Bible Online

Atambuahe 2 - zande bible

Atambuahe 2

¹Tipagine arikaaboro nazinga ti ni, aboro ki niberẽ gu pai dũ ni kungba ha?

²Abakindo zegino natangara tiyo, abazogo aboro ki ta bura dagba yo, kuti Yekova na gako mbedimebdi boro, niya,

³“Ani káfu gayo gire akafa kpa, ki bafu gayo ũrugapai ti rani ku sa yo.”

⁴Gu ko sungu ngbangbaturũ yo ko amóma amoma; Yekova amáa yo i du adu bamongo.

⁵Ko ki gumba pai fu yo ni kina gako zinga, ki nifudi yo ni gako bakere erã, niya,

⁶“Mi moi gi bakindo ku ri gi kparakpara ziazia bagangara nga Siona.”

⁷Mi atáka pande pa ga Yekova rugapai: Ko aya fere, “Mo nga wire, vungu mi ro ni kina gi uru re.

⁸Mo Sána re, mi afú arikaaboro foro ni gamo ũkumbo, na digida kpotosende yo ni gamo.

⁹Mo akúadi yo ni ngbondo marã, ki merẽ yo i ki kuadi rukutu wa kina ga bamepere pere.”

¹⁰Ako abakindo, awere oni dú ni tatamana aboro; Ako abasapungbanga rogo kpotosende, oni wiriki pai.

¹¹Oni tá manga pa Yekova ni gunde, ki du pusiapusia ni kio,

¹²oni údi wiri ni rengo, ko ka zinga, oni ki kpiki gene; bambiko gako zinga narunguda ni ipo. Aboro maku nga agu yo dunduko nafu tiyo ku be ko.