Read zande Atambuahe 21 Bible Online

Atambuahe 21 - zande bible

Atambuahe 21

¹Ako Yekova, bakindo nangi mbiko omero; ko adu pusiapusia gbe mbiko ga bata!

²Mo afu gu pai fu ko kpotoko yo akpi nyemu he, ka mo asarawa nga gu sanahe ko asana ni ngbako ya.

³Bambiko mo nagbia ko na gu maku nga ga wenepai; mo nadua ziazia kpakpari ku riko yo.

⁴Ko asana ro tipa unga; mo ki fu he fu ko a, tipa gbanga rago nye anye kindi.

⁵Gako taarimo kii gbe mbiko ga bata; mo namaa irisa ku ri ko na bairiwo.

⁶Ii, bambiko mo namaa ko ni betedi boro maku kindi; ki niya ko nidú pusiapusia na ngbarago ku bara kpakpuro.

⁷Bambiko bakindo nakida kuti Yekova; mbiko gu weneringise du ti gu Ko nga Bahe ki susi, ko awó nga te.

⁸Bero agbáta avuraro dunduko ki bi yo; kumbabero abí agu yo nasoga ro dunduko.

⁹Mo asá yo wa kina ririri gbigiwi ti rago du yo ku bara bangiro. Yekova ambíra yo ambira ni gako zinga; we ki riti yo.

¹⁰Mo agbárasa zugazuga yo auru kpotosende, na angbatungayo dagba awiri aboro a.

¹¹Bambiko ka i berẽ pa manga gbigbitapai kuti ro, watadu tabura, i arengba nga na manga ha te.

¹²Bambiko mo amánga yo i oro ku giiyo yo; mo adárã gamo agiri mboto kuti kpakpuyo.

¹³Ako Yekova, pa ro du ni kiisikiisi he be kina omero! Ani abí bia ki tambua pa ga ngarã.