Read zande Atambuahe 23 Bible Online

Atambuahe 23 - zande bible

Atambuahe 23

¹Yekova nga babandare, zingohe amánga nga re te;

²ya ko mi nipí sande rogo wesewese banambu yo. Ko ninangbe fere ku mbata yo ku pati ruru ime;

³ko ninambakada mbisimore. Ko ninangbe fere ku mbata yo ngba gene rurupai tipa rimoko.

⁴Ii, ka mi vura ka ta rogo ngbungumo kirima kpio, mi agunde nga be gbigbitapai te; bambiko mo du na mi; ga ngbondo na ga tepe, si ninangarãsi re.

⁵Mo ninambakada mbisa fere ku bangiri agu yo nafuda re; mo ninambeda rire ni nzeme, gi inga hi niuka auka.

⁶Wenepai apéka re na weneringise kindi wa du mi ni ungare ni rengo; Mi anye anyé rogo ga Yekova bambu yo kindi.