Read zande Atambuahe 25 Bible Online

Atambuahe 25 - zande bible

Atambuahe 25

¹Ako Yekova, mi natumba mbisimore koyo du mo ni.

²Ako gi Mbori, mi nakida kina kuti ro, ka zee nimángi nga re ya; ka avurare nidí nga be re a ya.

³Ii, agu yo nasunguda ro, a nga gu ni sa ka zee mángi ni te; agu yo namanga pai ni biriki zanga nduhe i dú na zee.

⁴Ako Yekova, mo yúgu gamo apai fere; mo yúgu pa gamo agene fere.

⁵Mo ngbé fere ku mbata yo rogo ga rengo, ki yugu pai fere, bambiko mo nga Mbori gi bata; mi nasunguda ro na uru pitipiti.

⁶Ako Yekova, mo tíngidi pa ga wene nunga aboro, na pa gamo aweneringise bambiko si adu kina ho mbata bakuru yo.

⁷Ka mo nitíngidi nga pa agu ingapai nga ga parangare, na gimi tiandika ya; mo tíngidi pa re ku sangba ga weneringise yo, Ako Yekova, mbiko wene sinoro!

⁸Yekova du ni wene ko ni ruru ko; si du ko naraba aboro ingapai ti ni ngba gene.

⁹Ko nangbe fu bayee aboro ku mbata yo rogo ruru sarangbanga, ko nayugo pa gako gene fu bayee aboro a.

¹⁰Ga Yekova agene nga weneringise na rengo dunduko, fu agu yo naka kuti gako zungahe na gako adezirepai.

¹¹Ako Yekova, mo vú re ti gi irairapai wa nge he gbe, mbiko rimoro.

¹²Da nga gu boro nagunde ti Yekova? kina ni ko ka raba ni ngba kina gu gene ni ka sia ha.

¹³Ni tigaani aráka zezeredi; ngbatungani adía kumbo ringara.

¹⁴Ga Yekova rondo du fu agu yo nagunde ti ko, ko nayugo pa gako zungahe fu yo.

¹⁵Bangire du koyo du Yekova ni kindi, bambiko ko atúka ndure rogo pio yo.

¹⁶Mo ária tiro kono du mi ni, ki ini pai fere; bambiko mi ni sare ni rungorungo re.

¹⁷Mo zéresi gu fudifudiapai du kpotore yo, mo kúsi re rogo gimi dungbaapai.

¹⁸Mo bérẽ pa gi gberãngbi na gi mbugo, ki vu re ti gimi ingaapai dunduko.

¹⁹Mo bérẽ pa avurare wa nge yo ange, na gu sogote i asoga re na ni.

²⁰Ako, mo bánda ungare, ki batasi re; ka zee mángi nga re ya, bambiko mi fu tire ku be ro.

²¹Rengo bánda re na rurupai, bambiko mi nasunguda ro.

²²Ako Mbori, mo túmo Yisaraere, be agu apai nafuda ko dunduko.