Read zande Atambuahe 26 Bible Online

Atambuahe 26 - zande bible

Atambuahe 26

¹Ako Mbori, mo sápu ngbanga fere, bambiko mi ata ni irarengo, mi akida kuti Yekova a zanga wo.

²Ako Yekova, mo wísigi re, ki asadi re; mo ásadi kpotore yo na gi berã a.

³Bambiko ga weneringise du bara bangire, mi ata rogo ga yososopai.

⁴Mi asunga nga na aboro sawia te, mi arima nga fuo airabiriki a te;

⁵mi sogo rimbasa agu aboro nga ga amangi gbigbitapai, mi asunga nga na gbegberẽ aboro te.

⁶Mi azunda bere wa du mi nga boro wenesa, Ako Yekova, mi ake pati ga bamotumo kirikiri,

⁷nibi bia tambuahe ni wawa, ki gumba pa ga iiriwo mangaapai dunduko.

⁸Ako Yekova, mi nakpi nyemu vuru ga bambu yo, na gu ba du ga taarimo rogo.

⁹Ka mo dí nga re ku sa yo na aboro ingapai ya, na ungare na abaimiaboro a ya,

¹⁰nga agu yo du beyo na gbegberẽ sanga apai ti ni, kumbabeyo hiki be marã mabirimo.

¹¹Ono mi tigimi, mi ata kina rogo gi rengo; mo túmo re, ki ini pai fere.

¹²Ndure naru ti kpasakpasa rago; mi asámbua Yekova dagba arika rimbasa aboro yo.